Búgin Almatyda turǵyndar men qala qonaqtary úshin ashyq aspan astynda tórt konsert ótedi. Halyq barlyq is-shrany tegin tamashalaı alady. «Asyl Qazyna» atty alǵashqy aýqymdy konsert 18:00-de «Alataý» dástúrli óner teatrynyń aldyndaǵy alańda bolady. Sahnada Ramazan Stamǵazıev, Sáýle Janpeıisova, Erkin Shúkiman, Amangeldi Kúzeýbaı jáne t.b. tanymal dástúrli ánshiler men artıser óner kórsetedi, dep habarlaıdy aqshamnews.kz
Keıin saǵat 19:00-de osy alańda «Almaty túni» atty ekinshi konsert bastalady, kórermen qaýymqa aty ańyzǵa aınalǵan «Dos-Muqasan» ansambli án shyrqaıdy. Bir saǵattan soń 20:00-de sahnaǵa «MýzArt» toby shyǵady. Sáken Maıǵazıev, Meırambek Besbaev jáne Kenjebek Tursynbaıuly kópshiliktiń súıikti ánderin oryndap, almatylyqtardy kele jatqan Qala kúnimen quttyqtaıdy.
Taǵy bir merekelik is-shara Arbatta ótedi. Turǵyndar men qonaqtarǵa «Jańa ǵasyr» teatrynyń artıseri «Almaty – mahabbatym» konsert-spektakli usynady Olar Sh. Aımanov atyndaǵy «Qazaqfılm» kınostýdıasynyń altyn qoryndaǵy fılmderdiń saýndtrekterin qala turǵyndarymen birge oryndaıdy. Sonymen qatar, jas ári talantty akterler anonımdi hat jazyp, shynaıy sezimi men tolǵanysyn bildirýge bel býǵan adamdardyń ishki jan sezimin teatrlandyrylǵan dramalyq kórinis arqyly kórermen nazaryna usynady.
İs-sharalar josparynyń tolyq nusqasy almaty.kz (https://www.almaty.kz/almaty-alasy-k-ni/?lang=kz) saıtynda, sondaı-aq ákimdiktiń Instagram paraqshasynda, Almaty mádenıet basqarmasy men aýdandyq ákimdikterdiń resmı paraqshalarynda jarıalanǵan. Eskerteıik, azdaǵan ózgerister bolýy múmkin. Aqparatty ákimdiktiń resmı ınternet-resýrstary arqyly baqylap otyrýdy suraımyz.