Almaty qalasy, Almaty jáne Jetisý oblystary boıynsha QAJ departamentine qarasty mekemelerde destrýktıvti din aǵymdardy ustanǵan sottalǵandar da ártúrli qylmystary úshin jazalaryn ótep jatyr.
Olardy deradıkaldandyrý boıynsha mekemelerde júıeli jumystar júrgiziledi, dep habarlaıdy habarlaıdy Almaty-akshamy.kz Polisia.kz-ke silteme jasap.
Bul jumysqa mekeme teologtarymen qatar din isteri basqarmalary men qoǵamdyq uıymdar ókilderi de atsalysyp jatyr. QAJ mekemelerindegi jaǵdaıdy saýyqtyrýdyń 2023-2025 jyldarǵa arnalǵan Jol kartasynyń talaptaryn júzege asyrý maqsatynda atalǵan departamentke qarasty №11, №13 jáne №72 mekemelerdegi teolog mamandar arasynda “Sottalǵandarmen teologıalyq ońaltý jumystaryn sapaly júrgizý” taqyrybynda dóńgelek ústel uıymdastyryldy.
Dóńgelek ústelge Almaty qalasy, Almaty jáne Jetisý oblystary boıynsha “AQNIET” aqparattyq-nasıhattaý jáne ońaltý ortalyǵy” qoǵamdyq qorynyń aımaqtyq basshysy J.Matkarımov jetekshilik etip, sottalǵandar arasynda teologıalyq jumys júrgizýdiń tıimdi tásilderine toqtaldy. Sondaı-aq teolog mamandar R.Moldahmetov pen M.Turapbaı da dinı teris aǵymnyń zıany men odan saqtanýdyń joldaryn, sottalǵandarmen teologoıalyq jumys júrgizýdiń mańyzy jaıly keleli áńgime ótkizdi. Dóńgelek ústel basyndaǵy áńgime kezinde mekemelerdiń teologtary da sottalǵandarmen jumys isteýdiń kúrdeli máselelerin sheshýdiń joldary jaıly óz pikirlerin ortaǵa saldy.