2025 jyldyń qyrkúıek aıynda uzyndyǵy 37,2 km bolatyn «Qaırat» shaǵyn aýdanyndaǵy sýmen qamtý jáne sý burý júıeleriniń ekinshi kezeńiniń qurylysy aıaqtalady, dep habarlaıdy aqshamnews.kz.
Bul buryn sýmen jáne káriz júıesimen qamtamasyz etilmegen ýchaskelerdi tolyq qamtýǵa múmkindik beredi. Bul týraly Almatynyń Túrksib aýdany ákimdigi habarlady.
Aıta keteıik, ótken jyly aýdan turǵyndaryn sapaly aýyz sýmen qamtamasyz etý maqsatynda «Álmerek» shaǵyn aýdanynda 20 km sý qubyry jáne káriz jelileriniń qurylysy aıaqtaldy. Jańa jelilerge shaǵyn aýdannyń 400 úıi qosyldy.
Sondaı-aq, «Jas Qanat» shaǵyn aýdanynda 8 km sýmen jabdyqtaý jáne 8,6 km káriz jelisi salyndy, bul jerde buǵan deıin turǵyndar aýyz sýdy uńǵymalar arqyly alýǵa májbúr bolǵan.
Buǵan qosa, Zakarpatskaıa kóshesinde 4,8 km sýmen jabdyqtaý jáne 1,6 km káriz jelisiniń qurylysy aıaqtaldy. Al «Tómengi Besjyldyq» shaǵyn aýdanynda 115 km sý qubyry jáne 32 km káriz júıesi salyndy. 2024 jyly «Shýaqty» shaǵyn aýdanynda káriz sorǵy stansıasy (KSS) salyndy, bul Volochaevskaıa kóshesindegi 70 úıdiń káriz máselesin sheshýge múmkindik berdi.
Turǵyndardy kúzgi-qysqy maýsymda jylýmen turaqty qamtamasyz etý maqsatynda 2024 jyly Spassk-Bekmahanov jáne Bekmahanov-Súıinbaı kóshelerindegi jalpy uzyndyǵy 2,1 km bolatyn jylý jelilerin jańartý jumystary aıaqtaldy. Bul jeliler 30 jyldan astam ýaqyt buryn salynǵan bolatyn.
Bul jobalar Túrksib aýdanynyń 21 myńnan astam turǵynyn sapaly aýyz sýmen jáne káriz júıesimen qamtamasyz etýge múmkindik berdi.