Búgin Almatyda almatylyq «Qaırat» fýtbol klýby men kıprlik «Pafos» komandasy arasynda Chempıondar lıgasynyń jalpy kezeńiniń machy ótedi, dep habarlaıdy aqshamnews.kz
Sporttyq is-shara qarsańynda qalanyń komýnaldyq qyzmeti shahar turǵyndary men qonaqtaryna jaıly jaǵdaı jasaý, tazalyq pen tártipti qamtamasyz etý maqsatynda jumysyn kúsheıtti.
Komýnaldyq ınfraqurylym jáne turǵyn úı saıasaty basqarmasynyń málimetinshe, Ortalyq stadıon mańyndaǵy aýmaqtarda qolmen tazalaý jumystary kúsheıtilip, kólemi 360 lıtr bolatyn qosymsha 70 qoqys konteıneri ornatyldy.
Tazalyqty saqtaý jumystaryna 200 qyzmetker men 40 arnaıy tehnıka tartylǵan. Qyzmetkerler eki aýysymda jumys isteıdi.
Birinshi aýysym (12:00-18:00):
* Sátbaev kóshesi – 20 adam
* Abaı dańǵyly – 20 adam
* Baıtursynov kóshesi – 20 adam
* Stadıon aınalasy – 40 adam
Barlyǵy: 100 adam jáne 40 tehnıka.
Ekinshi aýysym (18:00-00:00) quramynda da osyndaı kólemde qyzmetker men tehnıka bar. Jumysty «Almaty Tazalyq» memlekettik komýnaldyq kásipornynyń mamandary atqaryp, táýlik boıy kezekshilik uıymdastyrylǵan. Mach aıaqtalǵan soń arnaıy brıgadalar jedel túrde aýmaqty tazalap, qoqysty shyǵaryp, qala kóshelerinde tártip pen tazalyq ornatady. Qala qyzmetteri jankúıerlerdi tazalyq saqtaýǵa, qala ınfraqurylymyna qurmetpen qaraýǵa, sport merekesin birge qoldaýǵa shaqyrady.