Respýblıka boıynsha úmitkerler sany - 281.
Qazaqstanda 1 qyrkúıekte Prezıdent janyndaǵy jastar kadrlyq rezervine ekinshi irikteý bastaldy. Eldiń memlekettik sektor rezervi qataryna 50 adam qabyldanady dep josparlanýda. Óńirlik komýnıkasıalar qyzmetiniń brıfıńinde Almaty qalasy boıynsha memlekettik qyzmet isteri basqarmasy basshysynyń orynbasary Shynaraı Álimhan kandıdattardyń qandaı talaptarǵa saı bolýy kerek ekenin aıtty, dep habarlaıdy Almaty-akshamy.kz.
Shynaraı Álimhan Prezıdenttik kadrlyq rezervke úmitkerler Qazaqstan Respýblıkasynyń azamaty bolýy kerek ekenin aıtty.
«Baıqaýǵa jasy 35-ten aspaǵan, joǵary bilimdi men jumys ótili 5 jyldan kem emes azamattar jiberiledi. Qazirgi irikteýdiń jańashyldyǵy – úmitkerler memlekettik tildi meńgerý deńgeıin rastaýy qajet. Ol ulttyq standarttarǵa sáıkes ortasha deńgeıden (V1) tómen bolmaýy tıis», - dedi Departament ókili.
Shynaraı Álimhan kandıdattardyń memlekettik tilde mátin qurýy, óz pikirin dáleldi túrde jetkizýi jáne qarapaıym dıalog júrgize alýy kerektigin túsindirdi.
Aldyńǵy irikteýden aıyrmashylyǵy - kadrlardy irikteý prosesi tek qajetti bilimdi, daǵdy men qabiletti ǵana emes, sonymen qatar úmitkerlerdiń shynaıy motıvteri men olardyń nıetterin baǵalaıtyn bolady.
«Memlekettik sektor úshin eń aldymen qoǵamdyq múddelerdi basshylyqqa alatyn jas talanttardy tabý mańyzdy. Sondyqtan barlyq úmitkerler irikteý kezinde sıtýasıalyq tapsyrmalar men minez-qulyq boıynsha suhbat beredi», - dep jalǵastyrdy Shynaraı Álimhan.
Qazaqstan Respýblıkasynyń Prezıdenti taǵaıyndaǵan adamdar, saıası qyzmetshiler, «A» korpýsynyń memlekettik ákimshilik qyzmetshileri, Prezıdenttik jastar kadrlyq rezervinde turǵan adamdar irikteýge qatysa almaıdy.
İrikteýden ótkender «A» korpýsynyń saıası ákimshilik laýazymdaryna jáne jetekshi - «B» korpýsyna taǵaıyndalady. Rezervte bolý merzimi – 3 jyl.
Bul rette Memlekettik qyzmet isteri departamentiniń ókili Prezıdenttik rezervke tirkelý rezervte bolý kezeńinde laýazymdarǵa mindetti túrde taǵaıyndalýdyń sharty bolyp tabylmaıtynyn atap ótti. Taǵaıyndaý rezervtegi adamdardyń jáne qoldanystaǵy zańnamaǵa sáıkes basqa adamdardyń arasynan da júrgizilýi múmkin.
Almaty qalasy boıynsha Memlekettik qyzmet isteri basqarmasy bastyǵynyń orynbasary Sh. Álimhan yqtımal rezervshilerge daıyndalǵan irikteý kezeńderi týraly aıtyp berdi.
«Alǵashqy kezeńde qujattar mamandandyrylǵan onlaın-platformada bir aı ishinde qabyldanady. Ekinshi kezeńde mátindik jáne sandyq aqparatpen jumys isteý qabileti baǵalanady. Al úshinshi kezeńde sıtýasıalyq tapsyrmalar beriledi», - dedi spıker.
Bolashaqtaǵy, tórtinshi kezeńde quzyrettilik eki bloktan baǵalanady: baǵalaý ortalyǵy jáne quzyrettilik boıynsha suhbat. Besinshi kezeńde úmitkerler saraptamalyq komısıadan suhbattan ótedi. Prezıdent Ákimshiliginiń janynan qurylǵan komısıa aldyńǵy irikteý kezeńderinen sátti ótken árbir úmitkermen jeke suhbat júrgizedi.
«Suhbattasý nátıjeleri boıynsha Saraptamalyq komısıa rezervke jazylýǵa usynylǵan kandıdattardyń tizimin jasaıdy, ol Ulttyq komısıanyń qaraýyna jiberiledi. İrikteýdiń sońǵy kezeńinde úmitkerlerdi kadrlyq rezerv jónindegi Ulttyq komısıa qaraıdy», - dedi Shynaraı Álimhan.
Prezıdenttik rezervke irikteý týraly tolyq aqparatty pkrezerv.gov.kz saıtynan bilýge bolady.
Aıta keterligi, irikteýdiń bastalǵanyna 9 kún ótti, al búgingi kúngi málimetke sáıkes, 7 qyrkúıekte Almaty qalasy boıynsha 45 úmitker tirkeldi, al respýblıka boıynsha úmitkerler sany - 281.