10-20 mamyr aralyǵynda Almaty polısıasy “Quqyqtyq tártip” respýblıkalyq jedel aldyn alý is-sharasy aıasynda qyzmettiń kúsheıtilgen nusqasyna aýystyryldy.
Onyń maqsaty – jeke quramnyń táýlik boıy quqyq tártibin qorǵaý, qylmyspen kúresý jáne azamattardyń quqyqtaryn qorǵaý jónindegi tapsyrmalardy oryndaýǵa daıyndyǵyn tekserý, dep habarlaıdy Almaty-akshamy.kz Polisia.kz*ke silteme jasap.
"Qoǵamdyq tártipti saqtaý, kóshelerde jáne basqa da qoǵamdyq oryndarda quqyq buzýshylyqtyń aldyn alý jáne jolyn kesý maqsatynda is-shara aıasynda polısıa jasaqtarynyń tyǵyzdyǵy arttyryldy. “Qylmysqa múldem tózbeýshilik” aıasynda polısıa qyzmetkerleri men áskerı qyzmetkerler kóshelerdi, aýlalardy, alańdardy, saıajaılardy jáne basqa da qoǵamdyq oryndardy aralaýda. Sondaı-aq polıseıler kóshi-qon zańnamasyn, onyń ishinde qurylys jáne saýda salalaryndaǵy buzýshylyqtardy anyqtaý maqsatynda tekserý jumystaryn júrgizip jatyr", – dedi Almaty qalalyq polısıa departamenti bastyǵynyń orynbasary Erjan Uzabaev.
Saptúzeý barysynda qyzmetkerlerdiń kıim-keshekteri, kólikterdiń jaǵdaıy, sondaı-aq qaladaǵy zańdylyq pen tártiptiń sapasyna áser etetin tehnıkalyq qural-jabdyqtary tekserildi. Sonymen qatar qaladaǵy qoǵamdyq tártipti qorǵaýdy kúndelikti óz qoldaryna alatyn patrúldik polısıa polki, mamandandyrylǵan batalón, JQAJ qyzmetkerleri komandırlerdiń baǵyt-baǵdary men nusqaýlaryn tyńdady.