Almatyda polısıa qarýy bar 8 myńnan asa adamdy tekserdi, - dep habarlaıdy Aqshamnews.kz tilshisi Polisia.kz-ke silteme jasap.
1 qyrkúıekten 1 qarashaǵa deıin Almaty qalasynda “Ýchaske” jedel-profılaktıkalyq is-sharasy ótkizilýde. Onyń aıasynda qalalyq polısıa departamentiniń qyzmetkerleri azamattyq jáne qyzmettik qarýlardyń saqtalý jaǵdaıyn tekserip jatyr.
İs-shara bastalǵaly beri 8603 qarý ıesi tekserildi. Tekserý barysynda qarýdy saqtaý, sondaı-aq ony tirkeý men qaıta tirkeý merzimderin buzý boıynsha 185-ten asa quqyqbuzýshylyq anyqtaldy. Barlyq quqyqbuzýshy qoldanystaǵy zańnamaǵa sáıkes jaýapkershilikke tartyldy.
"Biz barlyq qarý ıelerin azamattyq jáne qyzmettik qarý aınalymy salasyndaǵy zań talaptaryn qatań saqtaýǵa, ruqsat berý qujattarynyń qoldanylý merzimderin baqylaýǵa jáne qarýdy turǵylyqty jerde saqtaý erejelerin buljytpaı oryndaýǵa shaqyramyz. Bul — ár azamattyń jáne jalpy qoǵamnyń qaýipsizdiginiń negizi", — dedi Almaty qalalyq PD ákimshilik polısıa basqarmasynyń bastyǵy Asqat Kulbaev.