Oqıǵa 9 qazanda, túngi saǵat 00:30 shamasynda «Panorama» meıramhanasynyń janynda bolǵan
Áleýmettik jelide Almatyda polısıa qyzmetkeriniń soqqyǵa jyǵylǵany týraly aqparat tarady. Polısıada oqıǵa boıynsha tergeý bastalǵanyn málim etti, dep habarlaıdy Almaty-akshamy.kz QazAqparatqa silteme jasap.
Qalalyq polısıa departamentiniń málimetinshe, oqıǵa 9 qazanda, túngi saǵat 00:30 shamasynda «Panorama» meıramhanasynyń janynda bolǵan.
Belgisiz adamdar Almaty qalasynyń polısıa departamentiniń Ózindik qaýipsizdik basqarmasynyń aǵa ýákili, polısıa podpolkovnıgi R. Ótegenovti soqqyǵa jyqqan.
Ol «jabyq bas súıek - mıdyń jaraqaty, mıdyń shaıqalýy»dıagnozymen №12 ortalyq qalalyq klınıkalyq aýrýhanaǵa jatqyzyldy. Sondaı-aq kóptegen gematoma men synyqtar da boldy.