Qalalyq ákimshilik polısıanyń aıtýynsha, ılústrasıalyq aqparattyq broshúrada mopedti tirkeýge qajetti is-áreketter algorıtmi men qujattar tizimi sıpattalǵan.
Jadynamalar eki dóńgelekti kólik júrgizýshileri kóp shoǵyrlanatyn jerlerde, BAQ pen áleýmettik jeliler arqyly taratylýda, dep habarlaıdy aqshamnews.kz Polisia.kz-ke silteme jasap.
Búgingi tańda Almatyda 30-dan astam moped resmı tirkelgen. Sondaı-aq eksterrıtorıaldylyq prınsıpi qoldanylady. Qalada tirkelgen eki dóńgelekti bir kólik - Aqmola oblysynda, bireýi - Almaty oblysynda, taǵy ekeýi - Qyzylorda oblysynda tirkelgen.
— Qurmetti moped ıeleri! Zań talaptaryn buzbaý úshin mopedterdi tirkep, A1 sanatyndaǵy júrgizýshi kýáligin alý kerektigin esterińizge salamyz. Osy jyldyń 5 sáýirinen bastap mopedterdi mehanıkalyq kólikterge teńestiretin zańnamalyq túzetýler kúshine enedi. Osy kúnnen bastap mopedterdi polısıada tirkeýden ótkennen keıin ǵana paıdalanýǵa ruqsat etiledi, — deıdi polısıa.