Beınerolıkter Almaty aıaldamalarynda kórsetilip jatyr.
Tártip saqshylary qoǵamdy esirtki qylmysymen birlesip kúresýge shaqyrady, dep habarlaıdy aqshamnews.kz Polisia.kz-ke silteme jasap.
Osy maqsatta qala ákimdiginiń qoldaýymen Almatydaǵy 42 aıaldamada polısıanyń senim telefondary bar taqyryptyq aqparattyq beınerolıkter kórsetilip jatyr. Áleýmettik ónim azamattardyń nazaryn qazirgi zamannyń qasiretine jáne esirtkini qoldanýdan bolatyn zardaptarǵa aýdarý maqsatynda jasaldy.
«Esirtki taratý týraly aqparatty baıqaǵan kez kelgen adam kórsetilgen telefon nómirleri boıynsha bizge qońyraý shala alady jáne buny anonımdi túrde jasaýǵa da bolady. Qupıalylyqqa memleket kepildik beredi. Qoǵamymyzdy osy esirtkiden aryltyp, balalarymyzdy qorǵaımyz desek, birlese áreket etýimiz kerek. Osy maqsatta biz adamdardy, esirtki qylmysynyń kýágeri bolǵan nemese tıisti aqparaty bar kez kelgen azamat táýlik boıy habarlasa alatyn senim telefondary týraly habardar etemiz», – deıdi Almaty qalasy PD esirtki bıznesine qarsy kúres basqarmasynyń asa mańyzdy ister jónindegi aǵa jedel ýákili Dáýren Kóbeev.