Almaty – elimizdiń júregi, ár kúni qozǵalyspen bastalatyn qala.
Qalada tirkelgen jáne basqa aımaqtardan keletin mıllıonnan astam kólik - kún saıyn tyǵyz kólik aǵynynyń bir bóligine aınalady, dep habarlaıdy aqshamnews.kz Polisia.kz-ke silteme jasap.
- "Qaýipsiz jol" respýblıkalyq jedel-profılaktıkalyq is-sharasy aıasynda Almaty qalasynyń polıseıleri jol-kólik oqıǵalaryn azaıtýǵa jáne joldardaǵy quqyq buzýshylyqtardyń aldyn alýǵa baǵyttalǵan aýqymdy jumystardy atqarýda. Bul naýqan Memleket basshysy jarıalaǵan "Zań jáne Tártip" qaǵıdasyna sáıkes júrgizilýde. Jol qozǵalysy erejelerin saqtaý - ózińizdiń, jolaýshylardyń, jaıaý júrginshilerdiń, basqa da júrgizýshilerdiń ómirine degen qurmet. Árbir jyldamdyqty arttyrý, baǵdarshamnyń qyzyl belgisinen ótý, abaısyzda jasalǵan manevr qaıǵyly oqıǵaǵa aınalýy múmkin qaýip, - deıdi Almaty qalalyq PD jergilikti polısıa qyzmeti basqarmasy bastyǵynyń orynbasary Tımýr Noǵaıbaev.
Polısıa jolda saq bolýǵa, asyqpaýǵa shaqyrady.
- Ótinish, asyqpańyzdar, araqashyqtyqty saqtańyzdar, bir-birlerińizdi syılańyzdar. Bizdiń qala eń qaýipsiz qala bolsyn. Balalar júrgizýshiniń toqtaıtynyn bilip, senimdi túrde joldan ótsin. Úıden shyqqan árbir adam qaıtyp keletinine senimdi bolsyn. Erejelerdi saqtańyz! Ózińizge jáne basqalarǵa qamqor bolyńyz, - deıdi polısıa qyzmetkerleri