Almaty qalasynda "Quqyqtyq tártip" keń aýqymdy respýblıkalyq jedel-aldyn alý is-sharasy jalǵasyp jatyr.
Onyń aıasynda polısıanyń jedel bólimsheleri bótenniń múlkin, sonyń ishinde uıaly telefondar men basqa da gadjetterdi urlaýdyń aldyn alý jáne ashýǵa baǵyttalǵan "Uıaly telefon" atty maqsatty is-shara júrgizýde, - dep habarlaıdy Aqshamnews.kz.
Almaty qalalyq polısıa departamenti krımınaldyq polısıa basqarmasynyń bastyǵy Talant Isaevtyń aıtýynsha, bul sharanyń basty maqsaty – qalta urlyǵynyń jolyn kesý, urlanǵan qurylǵylardy ótkizýmen aınalysatyn tulǵalardy anyqtaý, sondaı-aq adamdar kóp jınalatyn oryndar men qoǵamdyq kólikterde azamattardyń qyraǵylyǵyn arttyrý.
- Júrgizilgen jumystardyń nátıjesinde uıaly telefondardy júıeli túrde urlaýmen aınalysqan birneshe adam ustaldy. Olardyń keıbiri buryn da osyndaı qylmystar úshin birneshe ret sottalǵan. Sonymen qatar urlanǵan múlikti satyp alýmen aınalysqan adamdardyń zańsyz qyzmeti toqtatyldy. Barlyq derek boıynsha qajetti qujattar rásimdelip, sotqa deıingi tergeý amaldary bastaldy, – dedi Talant Isaev.
İs-shara bastalǵaly beri qaladaǵy qoǵamdyq kólikterde, bazarlarda jáne saýda ortalyqtarynda jasalǵan birqatar urlyq deregi anyqtaldy. Jedel is-sharalar nátıjesinde urlanǵan qurylǵylardyń bir bóligi ıelerine qaıtaryldy. Polısıa qyzmetkerleri qalta urlyqtarynyń kóp jaǵdaıda adamdar kóp jınalatyn ýaqytta bolatynyn eskertedi jáne turǵyndardy jeke zattaryna uqypty bolýǵa, telefondar men sómkelerdi qaraýsyz qaldyrmaýǵa shaqyrady. "Quqyqtyq tártip" jedel-aldyn alý is-sharasy aıasyndaǵy profılaktıkalyq jumystar jalǵasýda. Almaty qalasynyń jedel bólimsheleri kún saıyn azamattardyń qaýipsizdigin qamtamasyz etýge jáne olardyń múlkin qorǵaýǵa baǵyttalǵan júıeli jumystar júrgizip keledi.