Almatynyń Naýryzbaı aýdanynda 5 445 jańa jumys orny quryldy, - dep habarlaıdy Aqshamnews.kz.
Bul jyldyq jospardyń 97,9 paıyzy, byltyrǵy kórsetkishten edáýir joǵary. Bul týraly Naýryzbaı aýdanynyń ákimdigi habarlady.
Aýdan ekonomıkasy barlyq negizgi sala boıynsha turaqty damyp keledi. Ónerkásip óndirisiniń kólemi 13,8 mlrd teńgege jetti, bólshek saýda kólemi 40,5 mlrd teńgege deıin ósti, al kóterme saýda kórsetkishi 5 esege jýyq artyp, 20 mlrd teńge boldy.
Shaǵyn jáne orta bıznes sýbektileriniń sany 31,3 myńǵa jetti, onyń 29 myńnan astamy belsendi jumys isteıdi. Negizgi kapıtalǵa salynǵan ınvestısıa 126,6 mlrd teńgege deıin ósip, 183,6 myń sharshy metr turǵyn úı paıdalanýǵa berildi.
Qurylys jumystarynyń kólemi 64 mlrd teńgeni, al aýdan búdjetiniń kirisi 46 mlrd teńgeden asty. Bul jospardan 27,5 paıyzǵa joǵary kórsetkish.
«Bul nátıjeler Respýblıka kúnine oraı Naýryzbaı aýdanynyń júıeli damýynyń kórsetkishi. Jańa nysandar men shaǵyn jáne orta bıznes jobalarynyń ashylýy jumyspen qamtýdy arttyrýǵa, turǵyndardyń ómir súrý sapasyn jaqsartýǵa jáne aýdan ekonomıkasynyń áleýetin nyǵaıtýǵa múmkindik beredi», – dedi aýdan ákimdiginiń ókilderi.