Almatyda polıseıler qolaısyz otbasyǵa kómektesti, – dep habarlaıdy almaty-akshamy.kz
49 jastaǵy S.esimdi azamattyń otbasy polıseılerge jaqsy tanys. Ol qolaısyz otbasy sanatynda: otaǵasy alkogóldik sýsyndardy asyra paıdalanady.
– Osy táýeldilikti eskere otyryp, er adam birneshe ret ákimshilik jaýapkershilikke tartyldy. Atap aıtqanda, qoǵamdyq oryndarda alkogóldik ishimdikterdi ishkeni jáne bala tárbıeleýdegi ata-analyq mindetterin durys oryndamaǵany úshin. Onyń úsh balasy bar: 15, 13 jáne 9 jasta. S.esimdi azamattyń jubaıy balalarǵa jaılylyq jasaýǵa barynsha tyrysady. Múmkindiginshe biz de tamaq, kıimdermen kómektesemiz. Bul joly da ınspektorlar bul otbasyna qajetti zattardy ákeldi. Otaǵasymen aldyn-alý, quqyqtyq túsindirý jumystary júrgizildi. Er adamnyń qoǵamǵa jat ómir saltyn ustanýy – balalardyń kinási emes. Olardyń elimizdiń laıyqty azamaty bolyp ósýi úshin durys tárbıe alýǵa, asyraýǵa, bilim alýǵa tolyq quqyǵy bar, – dedi Bostandyq aýdandyq Polısıa basqarmasynyń bastyǵy Dýman Aýhadıev.