Almaty qalasynda polısıa jol-kólik oqıǵalarynyń aldyn alý jáne qozǵalys qaýipsizdigin arttyrý maqsatynda sonyń ishinde elektrosamokattardyń qatysýymen, aýqymdy reıdtik is-sharalar ótkizdi.
Táýlik ishinde samokat júrgizýshileri tarapynan jol qozǵalysy týraly zańnamany buzýdyń 800-den astam (jyl basynan beri 16 myńnan astam) deregi anyqtaldy, dep habarlaıdy Aqshamnews.kz Polisia.kz-ke silteme jasap.
Atap aıtqanda: jol qozǵalysyna qatysýshylarǵa qoıylatyn talaptardy saqtamaýdyń 489 deregi6 jaıaý júrginshiler men ózge de qatysýshylardyń qozǵalys erejelerin buzýynyń 237 deregi, ata-analardyń balalardyń qaýipsizdigin qamtamasyz etý sharalaryn oryndamaýynyń 11 deregi, kósheni abattandyrý erejelerin buzýdyń 47 deregi, qoǵamdyq oryndardy lastaý boıynsha 23 quqyq buzýshylyq anyqtalǵan.
Sonymen qatar trotýarlarda jáne joldarda elektrosamokattardy beıbereket qaldyrý derekteri anyqtaldy, bul óz kezeginde qozǵalysqa kedergi keltiredi. 259 samokat arnaıy turaqqa qoıyldy. Sondaı-aq elektrosamokattardyń shoǵyrlanǵan oryndarynda kúsheıtilgen patrúldeý júrgizý maqsatynda operator-kompanıalar usynǵan samokattarmen 50 polısıa baǵyty uıymdastyryldy.
- Profılaktıka jyly jáne “Zań men tártip” qaǵıdaty – bul biz úshin jol qozǵalysy qaýipsizdigine júıeli ári kúndelikti baqylaý degendi bildiredi. Elektrosamokat qoldanýshylarymen jumys jalǵasýda: biz quqyq buzýshylyqtardyń aldyn alamyz, erejelerdi túsindiremiz jáne qajet bolǵan jaǵdaıda zańda kózdelgen sharalardy qoldanamyz, – dedi Almaty qalasy PD jergilikti polısıa qyzmeti basqarmasynyń bastyǵy Serik Shýmaev.