Almatyda polıseıler aǵashtan sekirmek bolǵan mas adamdy qutqardy
4 maýsym kúni Almatyda polıseıler aǵashtan sekirmek bolǵan mas adamdy qutqardy, dep habarlaıdy Almaty-akshamy.kz.
Ishki ister mınıstrliginiń resmı saıtyndaǵy derek boıynsha, 3 maýsymda Áýezov aýdandyq PB-nyń kezekshi bólimine ishimdik ishken belgisiz er adam mas kúıinde 3-shi yqsham aýdannyń №20 úıdiń janynda júrgeni týraly qońyraý kelip tústi.
Oqıǵa ornyna jetken ýchaskelik ınspektorlar aqparatty rastady. Shyndyǵynda, er adam júrgen joq, aǵashtyń basynda otyrdy. Onyń jeke basy birden anyqtaldy – 1972 jyly týǵan B.esimdi azamat.
«Mas adam birneshe ret tómen qaraı qulaýǵa tyrysty. Ótip bara jatqan adamdar ony mundaı áreket jasamaýǵa kóndirýge tyrysqan kezde, ýchaskelik ınspektor Ádilet Shegebaev qyzmettik kóılegin sheship, aǵashqa órmelep shyǵyp, er adamnyń óz-ózine qol jumsaýǵa tyrysqan áreketine tosqaýyl qoıdy. Tómende adamnyń ómirine beıjaı qaramaıtyn azamattar tentti jaıyp, jigitti tosyp alýǵa daıyn turdy»,– dedi Áýezov aýdandyq PB bastyǵy Ulan Ábilhaıyr.