Megapolıstegi №11 qalalyq emhana bas dárigeriniń orynbasary Gúlmıra Aıtbaeva emhanada Pfizer vaksınasymen ımmýndaýdy júrgizý algorıtmderi týraly aıtyp berdi, dep habarlaıdy almaty-akshamy.kz QazAqparatqa silteme jasap..
Gúlmıra Aıtbaevanyń aıtýynsha, vaksınany emhanada kez kelgen kúni (aptanyń jeti kúni) jumys kúnderi saǵat 15:00-20:00, demalys kúnderi 09:00-18:00 aralyǵynda alýǵa bolady.
«Ózderińiz biletindeı, Pfizer vaksınasy 12-17 jastaǵy balalar, júktilik merzimi 16-37 aptalyq áıelderge jáne bala emizetin analarǵa arnalǵan. Dárgerler ekpe alýǵa kelgenderdi aldymen ımmýndaýǵa qarsy kórsetilimder boıynsha tekseredi. Balalarǵa keletin bolsaq, ata-anasynan jazbasha kelisim alynady», - deıdi dáriger.
Búgingi kúnge deıin №11 emhanada Comirnaty (Pfizer) vaksınasyn eki júkti áıel, toǵyz bala emizetin ana, 43 jasósipirim aldy.
«Men ulymdy emhanaǵa alyp keldim. Ekpe saldyramyz. Jasóspirimder bir orynda otyrmaıdy, saqtyq sharalaryn da saqtamaıdy. Balam jıi dostarymen serýendeýge, kınoǵa jáne taǵy basqa jerlerge barady. Sondyqtan vaksına alǵany durys dep sheshtik. Bul ınfeksıa balalarda jeńil ótedi deıdi, dese de aldyn alǵan jón»,- deıdi ata- ana.