Almatyda patrúldik polısıa qyzmetkerleri er adamdy ajaldan qutqaryp qaldy, – dep habarlaıdy almaty-akshamy.kz.
“102” púltine Rysqulov dańǵyly boıyndaǵy hostelderdiń birinde, 4-qabattyń terezesinde er adamnyń óz-ózine qol jumsamaq bolyp otyrǵany týraly habarlama kelip tústi.
– Oqıǵa ornyna “Býran-175” jáne “Býran-170” patrúldik ekıpajy jedel jetti. PPP qyzmetkerleri mán-jaıdy zerdelep, terezedegi er adammen áńgime-dúken quryp, onyń kóńilin basqa jaqqa aýdara bastady. Osy ýaqytta ınspektorlardyń biri qolaıly sátti kútip, er adamdy moınynan ustap, birlese otyryp bólmege súırep kirgizdi. Kúdiktiniń mas bolǵany belgili boldy. Ol otbasylyq máselelerine baılanysty sharasyz áreketke barýdy uıǵarǵanyn aıtty, – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Dárigerler zardap shekken adamǵa alǵashqy medısınalyq kómek kórsetti. Keıin mán-jaıdyń anyq-qanyǵyna jetý úshin Jetisý aýdandyq polısıa basqarmasyna jetkizildi. Óz-ózine qol jumsaý áreketiniń obektıvti sebepteri anyqtalyp jatyr.