Asa iri kólemde aqsha jymqyrǵan «Kcell Solutions» jaýapkershiligi – shekteýli seriktestiginiń burynǵy qarjy dırektory 7 jyl merzimge bas bostandyǵynan aıyryldy.
Bul týraly Qarjylyq monıtorıń agenttigine silteme jasap habarlady. Qylmysker budan bólek 2018 jyldyń aqpanynan 2021 jyldyń sáýirine deıingi aralyqta 5 kompanıanyń esep shotyna aqsha aýdarý arqyly qarajat urlaǵan, dep habarlaıdy Almaty-akshamy.kz 24.kz-ke silteme jasap.
Jedel izdestirý sharalary barysynda kompanıanyń burynǵy qarjy dırektory aqshany Almatydaǵy býkmekerlik keńselerde bás tigip jumsaǵany anyqtaldy.
«Sot úkimimen azamat Shókeı Qazaqstan Respýblıkasy Qylmystyq kodeksiniń 189 baby 4-bólimi 2-tarmaǵy boıynsha kináli dep tanylǵan. 7 jyl merzimge bas bostandyǵynan aıyrý jazasy taǵaıyndaldy. Sondaı-aq ol 10 jyl merzimge qarjylyq jaýapkershilikpen baılanysty qyzmetterdi atqarý quqyǵynan aıryldy», - deıdi QR Qarjylyq monıtorıń agenttigi baspasóz qyzmetiniń ókili Álibek Ábdilov.