Medıa salasynyń ókilderi elimizdiń jetekshi ónerkásiptik kásiporyndaryna shaqyrylady
QR Ónerkásip jáne qurylys mınıstrligi oblystardyń, Astana, Almaty jáne Shymkent qalalarynyń ákimdikterimen birlesip, otandyq ónerkásipti tanymal etý jáne qazaqstandyq taýarlardyń ımıjin arttyrýǵa baǵyttalǵan «Otandyq óndiris» medıa-jobasyn iske qosady.
Medıa-joba sheńberinde elektrondyq jáne baspa BAQ ókilderi, blogerler, sondaı-aq ónerkásip taldaýshylary men qoǵamdyq pikir kóshbasshylary úshin arnaıy baspasóz týrlaryn uıymdastyrý josparlanýda.
2023 jyldyń aıaǵyna deıin baspasóz týrlaryna qatysýshylar Almaty jáne Shymkent qalalarynyń, Túrkistan, Pavlodar, Qaraǵandy, Aqmola oblystarynyń ónerkásiptik kásiporyndaryna (toqyma kásiporyndary, jıhaz shyǵarý boıynsha, iri ónerkásiptik zaýyttar, onyń ishinde Kentaý transformatorlyq jáne «KamaTyresKZ» JSHS) barady.
Budan basqa, jeńil ónerkásip, aýyr mashına jasaý, elektrotehnıka, tústi metalýrgıa, hımıa, qurylys jáne aǵash óńdeý ónerkásibi kásiporyndary týraly materıaldar (sújetter) sıkli daıyndalady.
Budan basqa, jeńil ónerkásip, aýyr mashına jasaý, elektrotehnıka, tústi metalýrgıa, hımıa, qurylys jáne aǵash óńdeý ónerkásibi kásiporyndary týraly materıaldar (sújetter) sıkli daıyndalady.
"Otandyq óndiris" jobasynyń negizgi maqsaty Qazaqstannyń ónerkásiptik kásiporyndarynyń oń tájirıbelerin kórsetý, otandyq taýarlar men qyzmetterdiń ımıjin jaqsartý, elishilik qundylyq ıdeıalaryn nasıhattaý, respýblıkadaǵy kásipkerlikti tanymal etý.
Osy baǵyttaǵy alǵashqy baspasóz týryn ótkizý a,j. 21 qyrkúıek kúni Almaty qalasynda ótkizý josparlanǵan. Qatysýshylar jeńil ónerkásip baǵytyndaǵy eki kásiporynǵa barady - "QazSPO-N" sporttyq kostúmder tigý boıynsha jáne "Qazlegprom-Almaty" kıim jáne aıaq kıim óndiris ornyna barady.
Óńirlerdegi baspasóz týrlary boıynsha anonstar oblystyq jáne qalalyq ákimdikteriniń saıttarynda jarıalanatyn bolady. Jazbalardy qadaǵalap otyryńyzdar!
Áleýmettik jelilerde jobany aqparattyq qoldaý #Otandyqtóndiris heshtegi arqyly jarıalanatyn bolady.
Jobaǵa qatysý úshin «Qazindustry» Qazaqstandyq ındýstrıa jáne eksport ortalyǵyna 87752244836 (Darhan) baılanys telefony arqyly nemese d.zhumadilov@qazindustry.gov.kz elektrondyq mekenjaıy boıynsha habarlasýǵa bolady.