Respýblıka Saraıynda ardagerlerge, Otan qorǵaýshylarǵa, sondaı-aq áskerı joǵary jáne orta oqý oryndarynyń kýrsanttaryna arnalǵan merekelik konsert ótti. İs-sharaǵa Almaty qalasynyń ákimi Erbolat Dosaev qatysty.
Konsertte qazaqstandyq estrada juldyzdary Mádına Sádýaqasova, «Alashuly» toby, Saıa Mahambet jáne t.b. artıser Otan, el men jer týraly án saldy.
Sonymen qatar, merekelik keshte 38-shi desanttyq-shabýyldaý brıgadasynyń áskerı ansambli óner kórsetip, patrıottyq ánder aıtyp, bı bıledi.
Mereke armıa generaly, táýelsiz Qazaqstannyń tuńǵysh qorǵanys mınıstri, Halyq Qaharmany Saǵadat Nurmaǵambetovtiń, sondaı-aq Uly Otan soǵysyna qatysýshy Raqymjan Qoshqarbaevtyń 100 jyldyǵyna arnaldy. Olardyń qurmetine IL Canto kvarteti «Saǵadat» jáne «Myqty adamdar...» ánin oryndady.
Konserttik baǵdarlama estradalyq-sımfonıalyq orkestrdiń súıemeldeýimen áskerı ansámbl solıseri shyrqaǵan «Meniń Otanym» ánimen aıaqtaldy.
Otan qorǵaýshy kúnine oraı, Almatynyń barlyq mektebinde «Erlik sabaqtary», synyp saǵattary, mánerlep oqý saıystary jáne t.b. ótkizildi.
Esterińizge sala keteıik, 7 mamyrda Almatynyń aýdandarynda merekelik is-sharalar ótedi.
Bostandyq aýdanynda saǵat 09:00-de «El erteńi - búgingi jastar» atty saltanatty is-shara ótip, áskerı qyzmetshiler marapattalady, qonaqtar úshin saptyq marsh uıymdastyrylady.
Jetisý aýdanynda saǵat 11:00-de «Belgisiz sarbazdyń qabiri» eskertkishine gúl shoqtary qoıylady.
Alataý aýdanynda saǵat 11:00-de ákimdik ǵımaratynyń aldynda «Er esimi – el esinde» eskertkishine gúl shoqtary qoıylady. Tolyǵyraq Almaty.kz saıtynda.