18 qarashada Almaty qalasynyń Almaly aýdandyq soty qalalyq ortalyq keden zerthanasynyń basshysy A. Satybaldıev pen bas maman Álibekov B. sottaldy.
Bul týraly aqshamnews.kz El.kz aqparat agenttigine silteme jasaı otyryp habarlaıdy.
Antıkor málimetinshe, olar kásipkerlik sýbektileriniń ókilderinen keden sarapshylarynyń qorytyndylaryn jedeldetip bergeni úshin birneshe ret para alǵany úshin kináli dep tanyldy.
Satybaldıev pen Álibekovke memlekettik jáne kvazımemlekettik mekemelerde qyzmette laýazymdardy atqarý quqyǵynan ómir boıyna aıyra otyryp, árqaısysyna 7 jyl bas bostandyǵynan aıyrý jazasy taǵaıyndaldy, - delingen málimette.
Sol úkimmen keden brokerleri Nıkolas V., Kazanseva S. jáne Garýnı S. atalǵan laýazymdy tulǵalarǵa para bergeni úshin aıyppul salýǵa sottaldy.
Sot aktisi zańdy kúshine engen joq.