Almatyda Eýropalyq Odaq – Ortalyq Azıanyń ekinshi ekonomıkalyq forýmy ótip jatyr, dep habarlaıdyAlmaty-akshamy.kz BAQ.KZ-ke silteme jasap.
- Almatyǵa qosh keldińizder! Búginde álem, ekonomıkanyń kóptegen salalaryna áser etken jáne halyqaralyq saýdada quldyraý týdyrǵan COVID-19 pandemıasynan keıin qalpyna kele bastady. Búgingi tańda saýda jahandyq óndiristik-satý tizbegine tereń ıntegrasıalanǵan, Almaty ekonomıkasynyń úshten bir bóligin quraıdy. Bul sektor 250 myńnan astam adamdy jumyspen qamtamasyz etýde. Biz ınvestısıalar men básekege qabilettilikti qoldaýǵa, óńirdiń turaqty jáne jan-jaqty ekonomıkalyq damýyna baǵyttalǵan Ready4Trade - Ortalyq Azıa jobasynyń bir bóligi bolǵanymyzǵa qýanyshtymyz. Saýdany retteý rásimderin jetildirý esebinen, Ortalyq Azıa elderiniń árqaısysynda bıznesti júrgizý jaǵdaılary jaqsarady, shaǵyn jáne orta kásiporyndardyń básekege qabilettiligi artatyn bolady, – dedi E.Dosaev.
Atalmysh sesıada, Eýropalyq Odaq pen Ortalyq Azıa arasyndaǵy saýda baılanystaryn damytý joldary qaraldy. Bıznes pen úkimet arasyndaǵy basymdyqtarǵa taqtalyp ótti.
Qonaqjaı Almaty qalasy men osy forýmdy uıymdastyrǵan seriktesterimizge alǵys aıtqym keledi. Birlesken jobamyzdyń arqasynda Ortalyq Azıa elderi birigip otyr. Bul bastama Ortalyq Azıa memleketterine óńirlik shekteýlerdi alyp tastaýǵa kómektesedi. Aldaǵy ýaqytta, saýda sattyq, mıkro jáne makro bıznes ókilderine kóńil bólý kerek. Shıkizattyq emes eksport kólemin arttyrý. Sondaı-eksporttaý naryqtaryn ártaraptandyrý qajet, – dedi Eýropalyq Odaqtyń elshisi Kestýıs Iankaýskas.
Talqylaýǵa qatysýshylar kásiporyndarynda týyndaıtyn máselerge mán berdi. Sonymen qatar, áıelder men jastardyń bıznestegi róli jaıly atap ótti.
Biz myńdaǵan bıznes ókilderine kómek kórsettik. Investorlardyń qarjysy el ekonomıkasyna serpin beretin kásiporyndaryndarǵa berilý qajet. Búginde Ortalyq Azıa elderindegi áıelder men jastar arasynda kásipkerlik salasyn damytýdyń joldaryn usynyp jatyrmyz. Qarap otyrsaq, qyz-kelinshekterdiń basym bóliginiń bızneske bet burý qarqyny oń ekenin, ony statısıkanda baıqaýǵa bolady,– deıdi ITC atqarýshy dırektory Pamela Kok-Gamılton.
Aıta keteıik, elimizde 600 myńǵa jýyq kásipker áıel bar. Keıingi statısıkalyq málimetterge sáıkes, shaǵyn jáne orta kásiporyndardyń 43%-yn áıelder basqarady. Jeke kásipkerliktiń 77%-y áıelderge tıesili. Shaǵyn jáne orta bıznes sektoryndaǵy barlyq jumys ornynyń shamamen 1/3 bóligi (1 mln adam) kásipker áıelderdiń enshisinde.
Sondaı-aq, forým aıasynda kásipkerlerdiń basty máselesi logıstıka jáne kólik salasyndaǵy qyzmetke baılanysty ekendigi aıtyldy. Halyqaralyq bıznes tranzaksıalary kezinde júkterdi tasymaldaý máseleleri kóptegen quqyqtyq saldarlardy, quqyqtyq normalarmen rettelýdi jáne tasymaldaýdyń jaýapkershiligin qarastyratynyn atap ótti.