Pandemıadan keıingi qalpyna keltirý strategıalary talqylanyp jatyr.
Almatyda «COVID-ten tys - Ortalyq Azıada ádildik negizinde qalpyna keltirý jolynda» Ortalyq Azıa elderiniń turaqty damý salasyndaǵy maqsattary boıynsha ekinshi óńirlik samıt ótip jatyr, dep habarlaıdy Almaty-akshamy.kz Baq.kz silteme jasap.
Samıtti Qazaqstan Respýblıkasynyń Úkimeti Eýropalyq Odaq pen Azıa Damý Bankiniń (ADB) qarjylyq qoldaýymen Qazaqstandaǵy BUU Damý baǵdarlamasymen (BUUDB) áriptestikte uıymdastyrdy.
Óńirlik samıtke óńir elderi úkimetteriniń saıası kóshbasshylary, halyqaralyq sarapshylar, halyqaralyq uıymdardyń, dıplomatıalyq toptardyń ókilderi, jeke sektordyń basshylary jáne Ortalyq Azıanyń azamattyq qoǵamynyń ókilderi qatysyp jatyr.
Samıttiń taqyryptyq sesıalary Ortalyq Azıadaǵy óńirlik damý syn-qaterlerin jáne «jasyl» ekonomıka men klımattyq kún tártibine nazar aýdara otyryp, pandemıadan keıingi qalpyna keltirý strategıalaryn talqylaý úshin komýnıkasıalyq platformalardy usynady. Qala ákimderiniń dóńgelek ústeli sheńberinde qatysýshylar Ortalyq Azıadaǵy iri jáne shaǵyn qalalardy damytý úshin jergilikti sheshimderdi jáne TDM (Turaqty damý maqsattary) oqshaýlaý arqyly olardyń turaqty damýǵa kóshýin talqylaıdy.
Jekelegen sesıalar sondaı-aq memlekettik qyzmetterdi sıfrlandyrý, turaqty damý úshin áıelder men jastardyń quqyqtary men múmkindikterin keńeıtý, TDM-ge qol jetkizýdi jedeldetý úshin TDM qarjylandyrýdyń sınergıasyn qamtamasyz etý jáne áriptestik máselelerine arnalady.
Búginde jahandyq maqsattarǵa qol jetkizý úshin ulttyq jáne óńirlik deńgeılerde batyl is-qımyl men jańashyl áriptestik qajet. Bul elder, sektorlar men dısıplınalar arasyndaǵy áriptestik pen syndarly dıalogty talap etedi. Barlyq múddeli taraptar – memleket, jeke sektor, ulttyq jáne halyqaralyq uıymdar – turaqty damýǵa qol jetkizý úshin qajetti sharalar qabyldaýdy qamtamasyz etýde óz rólin atqarýǵa tıis.