Almatyda 2023 jyldyń 30 maýsymyna deıin jalǵasatyn «Orta bilim berýdiń úzdik uıymy» grantyn berýge arnalǵan jyl saıynǵy baıqaýdyń qalalyq kezeńi bastaldy, dep habaralaıdy almaty-akshamy.kz
Baıqaýdyń maqsaty – tıimdi pedagogıkalyq jáne basqarýshylyq tájirıbeni jınaqtaý men taratý, QR orta bilim berý júıesiniń damý úrdisterin anyqtaý. Jarys qalanyń bilim berý uıymdarynyń pedagogteri men basshylarynyń kásibı jáne jeke ósýine yqpal etýge arnalǵan.
Qazaqstandyq bilim berýdiń básekege qabilettiligin qamtamasyz etý jáne joǵary reıtıńtik kórsetkishterge qol jetkizý úshin qatysýshylardy irikteý mynadaı krıterııler boıynsha júzege asyrylady:
1) oqytýda aqparattyq-kommýnıkasıalyq tehnologıalardy engizý;
2) sapaly bilim berýdiń qoljetimdiligin qamtamasyz etý;
3) kadrlyq qamtamasyz etý;
4) materıaldyq-tehnıkalyq qamtamasyz etý;
5) bilim alýshylardyń densaýlyǵyn saqtaý úshin jaǵdaılar jasaý, olardyń qaýipsizdigin qamtamasyz etý;
6) pedagogter men basshylardyń kásibı jáne jeke ózin-ózi damytý úshin jaǵdaılar jasaý;
7) ınklúzıvti bilim berý úshin jaǵdaı jasaý;
8) sońǵy úsh jyldaǵy oqýshylardy oqytýdaǵy reıtıńtik kórsetkishter;
9) bilim berý sapasyn basqarý;
10) bilim berý sapasyn syrtqy jáne ishki baǵalaý nátıjeleri;
11) halyqaralyq yntymaqtastyqty júzege asyrý.
Baıqaýdyń aýdandyq kezeńi 10-28 sáýir aralyǵynda ótti. Qalalyq baıqaý komısıanyń jumysy 30 maýsymda aıaqtalady.
Baıqaýǵa barlyq memlekettik orta bilim berý uıymy qatysady. Ár aýdannan usynylǵan segiz bilim berý uıymy arnaıy qurmet dıplomymen marapattalady, al jeńimpaz Almaty qalasy ákiminiń 56 mln teńge somasyndaǵy grantyn ıelengeni týraly sertıfıkat alady.
Grantty tapsyrý 2023 jyldyń tamyz aıynda qalalyq plenarlyq konferensıada josparlanyp otyr. «Orta bilim berýdiń úzdik uıymy» retinde grant alǵan memlekettik orta bilim berý mekemesine materıaldyq-tehnıkalyq jabdyqtandyrýdy jaqsartýǵa jáne bilim berý úderisin ǵylymı-ádistemelik qamtamasyz etýge qarajat aýdarylady.
Qosymsha suraqtar boıynsha 8 702 299-24-27 nómirine, qalalyq ǵylymı-tájirıbelik ǵylymı-ádistemelik jumys bóliminiń basshysy Ákimjan Saılybaevqa habarlasýǵa bolady,
Almaty qalasy bilim berýdegi jańa tehnologıalar ǵylymı-ádistemelik ortalyǵy.
Almaty qalasynyń bilim basqarmasy