Osy iske qatysy bar adam óziniń 10 urlyq jasaǵanyn moıyndaǵan.
Medeý aýdanynyń polısıa qyzmetkerleri 27 jastaǵy Taraz qalasynyń turǵynyn ustady, dep habarlaıdy Almaty-akshamy.kz Polisia.kz-ke silteme jasap.
«Sotqa deıingi tergeý barysynda, oıyn avtomattaryn jaqsy kóretin jas jigit asa iri kólemdegi aqshasynan utylyp, zańsyz baıý maqsatynda qalanyń ártúrli aýdanynda ornalasqan turǵyn úı keshenderinde órt sóndirý tútikterin urlaǵandyǵy belgili boldy. Qaskóı ıyǵynda úlken sómkemen azyq-túlik jetkizýshiniń atyn jamylyp, kireberisterge kirdi jáne kúdik týdyrmady. Ol etajdarda órt qalqandaryn ashyp, sol jerden tútikterdi alyp ketti. Qazirgi ýaqytta A. esimdi azamat óz kinásin jáne 10 urlyq jasaǵanyn moıyndady. Bul qylmystar zattaı aıǵaqtardyń bolýymen, kireberistegi kameralardaǵy beıne jazbalardyń bolýymen, sondaı-aq urlanǵan múlikti satyp alýshynyń aıǵaqtarymen dáleldenip otyr», – dedi Medeý aýdandyq PB-na qarasty polısıa bóliminiń bastyǵy Ábdinur Tasybaev.
Belgili bolǵandaı, jeńil aqshaǵa qumar azamat qalanyń Almaly, Medeý jáne Bostandyq aýdandarynda áreket etken. Kúdikti qamaýǵa alyndy.