Almatyda órt shyqqan úıde órtke qarsy qorǵanys júıesi istemegen, dep habarlaıdy almaty-akshamy.kz
Almaty qalalyq TJD bastyǵynyń mindetin atqarýshy polkovnık Erlan Álibekovtiń aıtýynsha, kóppáterli turǵyn-úıdiń ońtústik jaǵynda órt sóndirý tehnıkasyna arnalǵan podezd bolmaǵan. Sol sebepti sol jerde ornalasqan páterlerdiń esikterin qolmen syndyryp, avto satylar úshin jol ashýǵa týra kelgen.
«Bul jumystarǵa biraz ýaqyt ketti. Aıtý kerek, úıdiń turǵyndarynyń barlyǵy kondomınıým ókilderi jáne olar ınjenerlik jabdyqtardyń, onyń ishinde órtke qarsy qorǵanys júıeleriniń uqypty saqtalýyna jaýapty. Keshegi jaǵdaı turǵyn úıdegi tútinge qarsy qorǵanys júıesiniń jumys istemeıtinin kórsetti. Eger ol jumys istese qabattardy qatty tútin baspas edi», - dedi Erlan Álibekov.
Ol sondaı-aq mundaı úılerde apattyq shyǵý joly retinde 5-shi qabbatan bastap joǵary qabattardyń balkondaryna deıin jalǵasqan lúkter bolatynyn aıtty.
«Olardyń barlyǵy jabyq boldy, eger ashyq bolǵan bolsa, joǵarǵy qabattardaǵy turǵyndar 5-shi qabatqa deıin túsip, ary qaraı bizdiń órt sóndirýshiler olardy evakýasıalaıtyn edi», - dedi spıker.