Almaty Qazaqstanda osy sanattaǵy jarystar ótetin alǵashqy qala.
Almatyda 15-18 tamyz aralyǵynda jasóspirimder men jastar, jasóspirim qyzdar men boıjetken qyzdar arasynda 2024 jylǵy órt-qutqarý sportynan álem chempıonaty ótedi, dep habarlaıdy aqshamnews.kz
Buǵan deıin, 2014 jyly Almaty eresekter arasynda Álem chempıonatyn ótkizgen bolatyn, dál sol kezde órt-qutqarý sporty tarıhynda alǵash ret áıelder arasynda Álem Chempıonaty ótkizildi.
Álemdegi úzdik jas órt sóndirýshi-qutqarýshy ataǵy úshin alty eldiń Belarýs, Bolgarıa, Qazaqstan, Reseı, Slovakıa, Chehıa komandalary arasynda saıys ótedi. Sonymen qatar, Kamerýn men Saýd Arabıasynyń ókilderi baqylaýshy retinde shaqyrylǵan.
Tórt kún boıy sportshylar órtti sóndirý tájirıbesinde qoldanylatyn túrli synaqtardy baǵyndyrady.
Saltanaty ashylý rásimi 15 tamyzda saǵat 20.00-de Ortalyq stadıonda ótedi. Shoý arnaıy otty effektilermen, estrada juldyzdarynyń qatysýymen ótetin konserttik baǵdarlamamen, TJ jaǵdaıynda órt sóndirýshilerdiń kúshin kórsetetin qutqarýshy sportshylardyń jandy jandy qoıylymdar kórsetilýimen ótedi. Sondaı-aq qatysýshy komandalardyń sherýi ótedi.
18 tamyzda saǵat 20:00-de saltanaty jabylý rásimi jáne álem chempıonatynyń jeńimpazdaryn marapattaý rásimi ótedi. Ortalyq stadıonda "Has Sak" etno-folklorlyq tobynyń ártisteri óner kórsetedi. İs-shara saltanatty otshashýmen aıaqtalady.
Kúni men ýaqyty: 15 tamyz saǵat 20.00
Meken-jaıy: Ortalyq stadıon (Sátbaev kóshesi, 29/3)
Kirý tegin!