Almatyda ınjenerlik ınfraqurylymdy jańǵyrtý jumystary jalǵasýda. SHJQ «Almaty Sý» MKK-nyń óz ınvestısıalyq baǵdarlamasy esebinen bıyl tozǵan sý qubyry jelileri qaıta jańartylyp jatyr.
Qaıta jańartý jumystarynyń júrgizilýine baılanysty 14 shilde men 31 tamyz aralyǵynda Ormanov kóshesi boıymen Tóle bı men Qumaı kósheleriniń arasyndaǵy aýmaqta kólik qozǵalysy shekteledi. Shekteýler joldyń astyna salynǵan sý jelilerin rekonstrýksıalaýmen baılanysty. Jumys aıaqtalǵan soń jol jabyny tolyqtaı qalpyna keltiriledi.
Joba boıynsha barlyǵy 5,4 shaqyrym sý qubyry jelilerin aýystyrý kózdelgen. Jumystyń birinshi bóligi - Bógenbaı batyr kóshesinen Baltabaev kóshesine deıingi uzyndyǵy 3,3 shaqyrym aralyq. Alǵashqy kezeńniń jumysyn kásiporyn 2024 jyly iske asyrǵan bolatyn.
Medeý aýdanynyń osy aýmaqtaryndaǵy jelilerdi qaıta jańartý birneshe myń turǵyndy, sondaı-aq, ondaǵan ákimshilik ǵımarat pen komersıalyq nysandy turaqty ári sapaly sýmen qamtamasyz etýge múmkindik beredi.
Qala turǵyndary men qonaqtarynan baǵytyn aldyn-ala josparlap, qozǵalys syzbasyndaǵy ýaqytsha ózgeristerdi eskerýdi suraımyz.