«Dop ber» mektep basketbol lıgasy 2018 jyldan beri ótkizilip keledi.
Almatyda 7-17 jas aralyǵyndaǵy 1200 oqýshydan quralǵan 44 komanda basketbol chempıonatynyń irikteý týrynda synǵa tústi. Tartysty oıyn megapolıstegi Sh.Ýálıhanov atyndaǵy bilim oshaǵynda basketboldan mektep lıgasy aıasynda ótti, dep habarlaıdy Almaty aqshamy gazetiniń tilshisi.
Órender jarysy Almaty men Astana komandalarynyń arasynda ótti. Eki qalanyń da basketbol lıgasy jergilikti jerdegi birneshe jekemenshik mekteptermen áriptestik qarym-qatynas ornatqan.
– «Dop ber» («Daı mách») mektep basketbol lıgasy 2018 jyldan beri ótkizilip keledi. Biz maýsymdy jylda ekinshi toqsannan bastaımyz jáne oıyndardy mamyr aıynyń ortasyna deıin jalǵastyramyz», – deıdi mektep basketbol lıgasynyń jetekshisi Dmıtrıı Chmıl.
Shoqan Ýálıhanov mektebiniń sporttyq qural-jabdyqtarmen tolyqtaı jabdyqtalǵany sonshalyq, ony sport mektebiniń deńgeıindegi nysan desek qatelespeımiz. İrikteý kezeńine osy mekteptiń tórt komandasy qatysty. Olardyń arasynda kózinde oty bar 1-synyptyń balaqaılarynan bastap, jeńiske qushtar joǵary synyp oqýshylary da bar. Ár komandada shamamen 20 oıynshydan boldy.
– «Biz balalar arasynda basketboldy keńirek nasıhattaýǵa tyrysamyz. Sporttyń osy túrine beıim órenderdi kásibı turǵyda jattyqtyratyn myqty mamandardy tartamyz. Máselen, Shoqan Ýálıhanov atyndaǵy mektepte balalarmen óte tanymal, tájirıbeli jattyqtyrýshy Aleksandr Zolotýhın aınalysady», – deıdi Dmıtrıı Chmıl.
Aldaǵy ýaqytta olar Almaty qalalyq Sport basqarmasynyń qoldaýymen, dálirek aıtsaq, keler jańa oqý jylynan bastap memlekettik jalpy bilim beretin mektepter arasyndaǵy basketbol lıgasyn iske qosýdy kózdep otyr. Ázirge jeke mekteptermen jumys isteýde.
Almaty tórinde ótken irikteý kezeńiniń jeńimpazdary kýboktar, medaldar men gramotalar ıelendi. Al aldymyzdaǵy 13 mamyrda Balýan Sholaq atyndaǵy Sport saraıynda úshinshi, tórtinshi jáne besinshi jas sanattarynda chempıonat fınaly ótedi.