QMA Almaty qalasy boıynsha departamenti elektron tutyný júıeleri (veıpter), dámqosqyshtar men olarǵa arnalǵan suıyqtyqtardyń zańsyz aınalymymen aınalysqan toptyń qyzmetin toqtatty, - dep habarlaıdy Aqshamnews.kz.
Tyıym salynǵan ónimdi satý Telegram-messendjerinde "ESCOBAR OPTOM" ataýymen júrgizilip, kýrer arqyly jetkizilip otyrǵan.
Jedel-tergeý is-sharalarynyń nátıjesinde qoımalar men satý núkteleri anyqtaldy.
Tintý barysynda 150 myńnan astam veıp tárkilendi, olardyń satylymynan túsetin tabys 1 mlrd teńgeden asyp ketýi múmkin edi.
Bul ónimder kámeletke tolmaǵandar, sonyń ishinde mektep oqýshylary arasynda keńinen taratylǵan.
Kóleńkeli bıznestiń uıymdastyrýshylary veıpterdi ádeıi jasóspirimderge jetkizip, olardyń densaýlyǵyna aıtarlyqtaı qaýip tóndirgen.
QR QPK-niń 201-babyna sáıkes ózge aqparat jarıa etýge jatpaıdy.