Qostanaıda turǵyndardan iri kólemde aqsha bopsalaǵan kúdikti ustaldy, — dep habarlaıdy Aqshamnews.kz tilshisi Polisia.kz-ke silteme jasap.
Polısıa 2024 jylǵy jeltoqsannan 2025 jylǵy aqpanǵa deıin jasalǵan birneshe qylmystyq oqıǵany tergep jatyr. Qostanaı oblysy PD-nyń uıymdasqan qylmysqa qarsy kúres basqarmasy Qostanaı qalasynyń 22 jastaǵy turǵynyn ustady.
Ol eki stýdentten iri kólemde aqsha bopsalady degen kúdikke ilindi. Quqyq qorǵaý organdarynyń málimetinshe, kúdikti jábirlenýshilerge psıhologıalyq qysym kórsetip, kúsh qoldanamyn dep qorqytqan. Sonyń saldarynan zardap shekkender oǵan 1 mıllıon teńgeden astam qarajat bergen.
Qazir kúdiktige turǵylyqty jerden shyqpaý týraly qolhatpen bultartpaý sharasy qoldanyldy. Oǵan qatysty qylmystyq is qozǵaldy, sotaldy tergeý amaldary júrgizilip jatyr. QR Qylmystyq kodeksiniń 194-baby 2-bóligine sáıkes, oǵan jeti jylǵa deıin bas bostandyǵynan aıyrý jáne múlkin tárkileý jazasy qoldanylýy múmkin.
Tergeý áreketteri jalǵasyp jatyr: polısıa oqıǵanyń barlyq mán-jaıyn anyqtap, kúdiktiniń basqa da bopsalaý derekterine qatysy bar-joǵyn tekserip jatyr.