QMA Almaty qalasy boıynsha departamenti TikTok áleýmettik jelisi arqyly onlaın-qumar oıyndardy uıymdastyrǵan eki turǵynǵa qatysty sotaldy tergep-tekserý isin aıaqtady, - dep habarlaıdy aqshamnews.kz.
Tergeý barysynda kúdiktilerdiń turaqty túrde tikeleı efır ótkizip, qumar oıyn uıymdastyrǵany anyqtaldy.
Azamattar oıynǵa qatysý úshin aqsha qarajatyn bank qosymshalary arqyly uıymdastyrýshylardyń shottaryna aýdaryp otyrǵan. Jınalǵan zańsyz tabys kólemi 10,5 mıllıon teńgege jetken.
Sot úkimimen ekeýi de zańsyz oıyn bıznesin uıymdastyrǵany úshin kináli dep tanyldy.
Birine 1 jyl 6 aı merzimge bas bostandyǵynan aıyrý jazasy taǵaıyndalsa, ekinshisi 2 jyl 6 aıǵa bostandyǵyn shekteý túrindegi jazaǵa tartyldy.
Aıta keteıik, TikTok-taǵy oıyndardyń negizgi aýdıtorıasyn jastar bolǵan.
Bul – ınternet keńistiginde belsendi jastardyń qumar oıyndaryna tartylý qaýpin arttyryp, zıandy ádetterge, táýeldilikke jáne qarjylyq qıyndyqtarǵa ákelýi múmkin qaýipti áleýmettik úrdis.