Almaty onkologıalyq ortalyǵy medbıkelerdi halyqaralyq standart boıynsha mamandandyrý baǵdarlamasyn sátti aıaqtady, dep habarlaıdy almaty-akshamy.kz
Atalǵan onkologıalyq medbıke isiniń negizine jáne onkologıalyq bólimshelerdegi medbıkelerdiń róline negizdelgen baǵdarlama medbıke bilimin, daǵdylaryn, múmkindigin arttyrýǵa jáne olardyń dárigerlermen seriktestigin nyǵaıtýǵa arnalǵan.
Izraılden kelgen tájirıbeli oqytýshylar Ella Mýller men Zoar Avıv júrgizgen medbıkelerge arnalǵan baǵdarlama 10 jumys kúnine sozyldy.
Oqytý barysynda qatysýshylar frontaldy leksıa, toptyq jumys, dıskýssıa men sımýlásıany meńgerdi. Sonymen qatar, onkologıalyq ortalyqqa barý jáne oqytýshylardan sheberlik sabaqtar uıymdastyryldy.
Baǵdarlamaǵa qatysqan árbir tyńdaýshy onkologıalyq naýqastarǵa kómek kórsetý sapasyn jaqsartý jáne medbıkelerdiń mártebesin jaqsartý úshin jumys ornynda ózgerister engizý josparyn jasady.
Baǵdarlama zamanaýı densaýlyq saqtaý júıesi men medbıke isindegi jahandyq trendterden bastap, onkologıadaǵy etıka jáne taǵamtaný ǵylymynyń aspektilerin, sondaı-aq dárigerlermen tıimdi seriktestikke arnalǵan trenıńke deıingi keń aýqymdy taqyryptardy qamtydy.
«Bul baǵdarlama onkologıa salasyndaǵy medbıke isin damytýdaǵy mańyzdy qadam», - dep atap ótti Almaty onkologıalyq ortalyǵynyń dırektory. - Qatysýshylar alǵan bilim men daǵdylar pasıentterimizge odan da jaqsyraq kómek kórsetýge kómektesetinine senimdimiz».
Baǵdarlama qatysýshylarǵa onkologıalyq naýqastardy kútý tájirıbesin jaqsartý úshin jańa bilim men quraldardy berip, baǵalaýmen aıaqtaldy.
"Spıkerlerdiń baıandamalary óte qyzyqty jáne tanymdyq boldy. Al olar paıdalanǵan kórneki zattar onkologıalyq naýqastarǵa medbıkelik kómek kórsetý kezinde qoldanýǵa bolatyn árbir ádisti ashyp, naqty kórsetti. Barlyq aqparat óte paıdaly boldy, bunyń bári jumys úshin óte qajet. Praktıkalyq jattyǵýlardyń bolǵany da jaqsy. Ómirden alynǵan mysaldar kóp boldy. Barlyǵy óte qoljetimdi, qarapaıym ári túsinikti», - dep bólisti AOO bas medbıkesi Gúlmıra Tursynova.