Qaterli isik aýrýlarynyń aldyn alý úshin skrınıngten ýaqytyly ótken jón
Onkologıalyq ortalyqtyń bas dárigeri Nursultan İzbaǵambetovtiń aıtýynsha, 2021 jyldyń 9 aıynyń qorytyndysy boıynsha megapolıste ólim-jitim 10%-ǵa deıin azaıǵan, dep habarlaıdy Almaty-akshamy.kz QazAqparat saıtyna silteme jasap.
«Almatyda onkologıalyq aýrýlar erte kezeńde jıi anyqtala bastady. Qaterli jańa óskinderdi, sonyń ishinde, kovıd-19 ınfeksıasy bar pasıentterdi KT-ǵa jiberý esebinen erte bastan dıagnostıkalaý ulǵaıdy. Ólimniń tómendeýi Almaty qalasyndaǵy onkologıalyq aýrýmen aýratyndardy emdeýdi tolyǵymen qamtýǵa baılanysty. Jyl basynan beri ortalyqta 13 myń pasıent emdelip shyqty, bul ótken jylmen salystyrǵanda 3 myńǵa deıin artqan degen sóz»,- deıdi dáriger.
Bıyl onkologıalyq aýrýǵa shaldyqqan 3317 pasıent esepke alyndy. Statısıkalyq derekter boıynsha, Almaty qalasynda syrqattanýshylyq qurylymynda birinshi orynda sút bezi obyry, ekinshi orynda kolorektaldy obyr, úshinshi orynda ókpe obyry, tórtinshi orynda asqazannyń qaterli isigi, besinshi orynda analyq bezdiń qaterli isigi tur.
« 30 qaterli isiginiń 5 nozologıasy 55 paıyzy, ıaǵnı jartysy ólimge ákep soǵady. Ony tómendetý úshin, barlyq dıagnostıkalyq jáne emdeý sharalaryn megapolısimizde qaterli óskinderden oryn alatyn ólim-saldary reıtıńi basynda turǵan 5 nozologıany emdeýge belsendi túrde baǵyttaýymyz qajet», - dedi Nursultan İzbaǵambetov.
Sonymen qatar, ol ortalyqqa naýqastar elimizdiń barlyq aımaǵynan keletinin tilge tıek etti.
«Búgingi kúni elimizdiń basqa aımaqtarynan kelgen 560 onklogıalyq aýrýmen aýyratyndar qaıta tirkeldi, bul degenimiz, ótken jylmen qaraǵanda eki esege óskendigin kórsetedi. Olardyń arasynda, ókinishke oraı ár 5-shi pasıent asqynǵan qaterli isikpen medısınalyq kómekke júgingen»,- deıdi dáriger.
Maman halyqty skrınıngtik tekserýden ótýge shaqyrady.
«Almaty qalasynyń turǵyndaryn bekitilgen qala emhanalary boıynsha tegin skrınıngten ótýge shaqyramyz. Skrınıngten ótý - bul sımptomsyz qaterli isik aýrýyn erte kezeńde anyqtaýdyń tıimdi ádisi. Óıtkeni naýqasqa em neǵurlym erte taǵaıyndalsa, tolyq saýyǵý múmkindigi soǵurlym joǵary bolady», - dep atap ótti Nursultan İzbaǵambetov.