Almatyda jańbyr kezinde komýnaldyq qyzmettiń 52 mobıldi brıgadasy jumyldyrylady, dep habarlaıdy almaty-akshamy.kz
Almaty qalasynda 12 sáýir kúni saǵat 05.00-den 08.00 deıin 15 mm nóser jaýady. «Qazgıdromet» RMK boljaýynsha, jańbyr túske deıin jaýady.
Sý tasqynynyń aldyn alý jáne boldyrmaý úshin 433 birlik arnaıy tehnıka, 18 motopompa jáne 830 jumysshy jumyldyrylady. Aryq jelileri arqyly sýdyń kedergisiz aǵyp ketýi úshin 52 jedel mobıldi brıgada atsalysady.
Aýa-raıynyń buzylýyna baılanysty júrgizýshilerge aǵashtardyń qulaý jáne elektr jelileriniń úzilý qaýpine baılanysty avtokólikti jol jıegine qoımaýǵa keńes beremiz. Sý tasqynynyń aldyn alý úshin qala turǵyndarynan aryq pen kanaldy qoqysqa toltyryp, bitep tastamaýdy suraımyz. Qandaı da bir aýmaqty sý bassa, jedel shara qoldaný úshin aýdan ákimdikterine júginýge nemese +7 706 689 8898 What’s app nómirine habarlama jazýǵa bolady.