Almatyda aýa raıy buzylady dep boljanyp otyr, dep habarlaıdy Almaty-akshamy.kz Almaty qalasy Komýnaldyq ınfraqurylymdy damytý basqarmasyna silteme jasap.
Almaty qalasynda 6 sáýir kúni shamamen saǵat 17:00-den keıin 7 sáýir tańǵa deıin jańbyr jaýady dep boljanyp otyr.
Jaýyn-shashyn kezinde 235 birlik arnaıy tehnıka, 210 jumysshy jáne 51 jedel mobıldi brıgada kezekshilikke shyǵady, olar sý basýdyń aldyn alý jáne problemalyq aýmaqta sýdyń kedergisiz aǵyp ketýin qamtamasyz etý úshin motopompalarmen jáne shans quraldarymen jabdyqtalǵan. 2 myńnan astam qap qum daıyndaldy. Aýdan ákimdikterinde atqarylyp jatqan jumystardy baqylaý úshin táýlik boıy kezekshilik uıymdastyrylady.
6 sáýirde saǵat 17:00-den keıin 8 mm-ge deıin jańbyr sirkireıdi dep boljanýda. Kúndiz aýa temperatýrasy +15...+17, túnde +10…+12 gradýs. 7 sáýirde 8 mm-ge deıin nóser jańbyr jaýady. Túnde aýa temperatýrasy +8...+10, kúndiz +12...+14 gradýs.
Aýa-raıynyń buzylýyna baılanysty júrgizýshilerge aǵashtardyń qulaý jáne elektr jelileriniń úzilý qaýpine baılanysty avtokólikti jol jıegine qoımaýǵa keńes beremiz. Sý tasqynynyń aldyn alý úshin qala turǵyndarynan aryq pen kanaldy qoqysqa toltyryp, bitep tastamaýdy suraımyz.
Qandaı da bir aýmaqty sý bassa, jedel shara qoldaný úshin aýdan ákimdikterine júginýge nemese +7 706 689 8898 What’s app nómirine habarlama jazýǵa bolady.