Ótinimderdi qabyldaý 31 qańtardan bastalyp, 20 aqpanǵa deıin jalǵasady.
Naýryz merekesine oraı qalanyń kórneki bezendirilýiniń úzdik dızaınyna konkýrs jarıalandy, dep habarlaıdy Almaty-akshamy.kz
Almaty qalasy mádenıet basqarmasy «Naýryz meıramy-2023» arnalǵan eń úzdik vızýaldy bezendirý dızaınyna konkýrs jarıalaıdy.
Baıqaýǵa qatysý úshin qalany bılbordtarmen bezendirý boıynsha túpnusqa tujyrymdamasyn ázirleý jáne ony álbom túrinde usyný qajet: álbom stılısıkany, tús sqemasyn jáne bılbordtardyń dızaınyn qamtýy kerek. Jumystar salmaǵy 20 Mb-tan aspaıtyn PDF formatynda qabyldanady, bastapqy faıl CorelDraw (qısyq) baǵdarlamasynda jasalýy kerek.
Úzdik jumysty 21 aqpanda Dızaınerler odaǵynyń, Sýretshiler odaǵynyń, Almaty qalasy josparlaý jáne ýrbanıstıka basqarmasynyń, sondaı-aq Almaty qalasy mádenıet basqarmasynyń ókilderi kiretin jumys komısıasynyń músheleri tańdaıdy. Baıqaý nátıjeleri Almaty qalasy mádenıet basqarmasynyń resmı saıtynda jarıalanady.
Eń úzdik dızaın qalanyń jarnama alańdarynda ornalastyrylady.
1 oryn úshin júlde qory – 1 mln teńge, 2 oryn úshin – 500 000 teńge, 3 oryn úshin – 300 000 teńge.
Usynystardy álbom túrinde almatymadeniet02@gmail.com elektrondyq poshtaǵa jiberilýi kerek.