Almaty qalasyndaǵy №8 qalalyq klınıkalyq aýrýhanasynyń naýqas janjal shyǵaryp, eki gınekolog-dárigerdi soqqyǵa jyqty.
Ol bir dárigerdi belden tómen jaǵynan teýip, ekinshisiniń betindegi terisin jyryp jibergen, dep habarlaıdy aqshamnews.kz.
Oqıǵa týraly zardap shekken dárigerlerdiń biri Aısha Ýsmanova jelidegi paraqshasynda jaǵdaıdy aıtyp berdi. Onyń sózinshe, oqıǵa 2024 jyldyń qarashasynda, túngi kezekshilikten keıingi eseptermen aınalysyp otyrǵan kezinde bolǵan. Onyń qasynda aýysymǵa kelgen dáriger pasıentpen keńes ótkizip jatqan edi.
Aısha Ýsmanova naýqastyń áýel bastan ózin agressıvti ári ádepsiz ustaǵanyn, keıinnen kompúter monıtoryn ádeıi qulatqanyn aıtty.
"Bul jaǵdaıǵa aralasqan joqpyn, biraq ol aýrýhananyń múlkin búldire bastaǵan soń, kómek shaqyryp, vıdeo túsirilim bastalǵanyn eskerttim, – deıdi dáriger.
Pasıent bul eskertýdi elemeı, ózi de vıdeo túsiretinin aıtyp, ekinshi dárigerge shabýyl jasaǵan. Sodan soń kútpegen jerden, telefonyn ala salyp, Aısha Ýsmanovanyń betine qatty soqqy jasap, onyń oń kóziniń ústińgi qabaǵynyń terisin jaryp jibergen.
"Sol sátte men qatty qan ketkenin túsinbedim. Tek áriptesimniń maǵan qorqynyshpen qarap turǵanyn kórdim. Betimnen jyly birdeńe aǵyp jatqanyn sezip, qolymdy betime aparǵanda, qolymdaǵy qandy kórdim. Keıin qannyń kıimimde, edende ekenin baıqadym", – dep esine aldy dáriger.
Dárigerdiń aıtýynsha, naýqas munymen toqtamaı, ekinshi dárigerdi de uryp-soǵyp, shabynan teýip, ernin jaryp, keýdesin tistep alǵan.
"Naýqas ózin eshkim jazalamaıtynyn aıtyp, onyń ákesi ofıser ekenin qaıtalaı berdi. Sol ýaqytta qaýipsizdik qyzmeti kelip, ony dárigerden ajyratty. Al meni tańý bólmesine alyp ketti. Telefonnyń soqqysy sonshalyqty qatty boldy, men mı shaıqalýy dıagnozymen qaldym, – dep atap ótti Aısha Ýsmanova.
Bul oqıǵa sotqa jetip, naýqas óziniń kinásin moıyndamaǵan. Medısınalyq qyzmetkerlerge til tıgizýdi jalǵastyrǵan. Sot sheshimimen agressıvti pasıent qoǵamdyq jumystarǵa tartylyp, moraldyq shyǵyn retinde nebári 200 myń teńge tóleýge mindettelgen.