Búgin, 27 qańtarda, elimizdiń kóp bóliginde jaýyn-shashynsyz aýa raıy saqtalady. Bul týraly Aqshamnews.kz saıty habarlaıdy.
Mundaı turaqty meteorologıalyq jaǵdaı Skandınavıa antısıklonynyń Qazaqstan aýmaǵyna áser etýimen baılanysty. Alaıda, birqatar óńirlerde tuman túsip, jeldiń kúsheıýi baıqalsa, taýly aımaqtarda kóktaıǵaq kútiledi.
"Qazgıdromet" mamandarynyń habarlaýynsha, batys, soltústik-batys jáne ońtústik óńirlerde tuman túsedi. Al ortalyq, ońtústik, ońtústik-shyǵys jáne shyǵys aımaqtarda jeldiń kúsheıýi kútilýde. Almaty oblysynyń taýly jerlerinde kóktaıǵaq oryn alýy múmkin.
Negizgi qalalardaǵy aýa raıy
Astana: Aýa raıy bultty, jaýyn-shashynsyz. Túnde temperatýra −16–18 °C, kúndiz −11–13 °C.
Almaty: Bultty, jaýyn-shashynsyz. Túnde −7–12 °C, kúndiz 0 +2 °C.
Shymkent: Kún alabultty jaýyn-shashynsyz. Túnde −2–4 °C, kúndiz +7–8 °C.
Qazaqstannyń aýmaǵynda qys mezgiline tán aýa raıy saqtalýda. Sınoptıkterdiń boljamyna súıene otyryp, aldaǵy kúnderde de turaqty jaǵdaı kútiledi.