Almatyda esirtkige elikken er adam BMW kóligin urlap ketken, dep habarlaıdy almaty-akshamy.kz.
Oblystyq polısıa málimetinshe, ustalǵan adam esirtkilik masań kúıde bolǵan, bul aýyr zardaptarǵa ákep soqtyratyn jol-kólik oqıǵasynyń qaýpin edáýir arttyrǵan.
"Almaty-Óskemen tasjolynda jarıalanǵan jospar aıasynda avtokólik urysy ustaldy. Aqparatqa sáıkes, Almatyda belgisiz bireý BMW markaly avtokóligin urlap, megapolıs syrtyna aıdap qashyp ketken. Patrúldik polıseıler Qonaev baǵytynda joǵary jyldamdyqpen kele jatqan urlanǵan sheteldik avtokólikti baıqap úlgerdi. Almaty – Óskemen tasjolynyń 19-shaqyrymynda Almaty oblysynyń tártip saqshylary júrgizýshini qýyp, toqtatýǵa májbúrlep, aqyry ony ustady", - dedi Almaty oblystyq Polısıa departamentiniń basshysy Baýyrjan Álenov.
Medısınalyq saraptama ustalǵan er adamnyń esirtki qabyldaǵanyn rastady. Sondaı-aq, kúdiktiniń qolynda kólik júrgizý quqyǵyn beretin qujattary bolmaǵan. Tárkilengen BMW kóligin arnaıy turaqqa ornalastyrǵan polıseıler kúdiktini jaqyn jerdegi polısıa bólimine jetkizdi. Kólikti zańsyz ıemdený deregi boıynsha qylmystyq is qozǵaldy.