Almaty qalasynyń naýbaıhanalarynda áleýmettik nan óndirý úshin un qorynyń jetkilikti mólsheri bar. Bul týraly Almaty qalasynyń kásipkerlik jáne ınvestısıalar basqarmasy málim etti, dep habarlaıdy Almaty-akshamy.kz.
«Nan baǵasynyń ósýine jol bermeý úshin «Azyq-túlik kelisim shart korporasıasy» qorynan 38 myń tonna sýbsıdıalanǵan astyq jetkizilýde (quny tonnasyna 90 myń teńge). Búginde «Aqsaı nan», «Almatydan» jáne «Rýzınan» naýbaıhanalaryna astyq jetkizildi», - dep málimdedi basqarmada.
Basqarmanyń málimetinshe, megapolıske aı saıyn 4 myń tonnadan astam astyq jetkizilip otyr.
«Sýbsıdıalanǵan astyq esebinen qalanyń nan-toqash kombınattary iri saýda jelilerinde nannyń baǵasyn bir bólke úshin 80 teńge jáne «úı janyndaǵy» dúkenderde bir bólke úshin 90 teńge baǵasyn bekitti», - dep naqtylady Almaty qalasynyń kásipkerlik jáne ınvestısıalar basqarmasynda.