Jınalǵan nan qaldyqtary mal azyǵyna óńdeledi.
Almatynyń Áýezov aýdanynda alǵash ret tamaq qaldyqtaryn jınap, keıin qaıta óńdeýge arnalǵan konteınerler ornatyldy, - dep habarlaıdy Almaty-akshamy.kz
Almatyda kásipkerlerdiń bastamasymen buzylǵan nan, eskirgen toqash, merzimi ótip ketken makaron jáne basqa da nan ónimderin jınaıtyn sary bóshkeler ornatyldy.
«Alǵashynda mundaı konteınerler birneshe ýchaskege ornatyldy, bizge QSK jáne qoqys shyǵaratyn kompanıalar habarlasty. Biz kásipkerlerdi shaqyrdyq olar mán-jaıdy túsindirdi, aýdan ákimdiginiń basshylyǵy olardyń ıdeıasyn qoldady. Bul másele turǵyndar úshin de ózekti bolǵan. Sebebi osyǵan deıin kóptegen taza, adal tamaq qaldyqtaryn konteınerge tastamaı, ıt, qus jáne mysyqtardy tamaqtandyrý úshin jaqyn jerge qaldyrǵan. Bul basqa turǵyndar úshin óte yńǵaısyz ekeni belgili. Konteınerler ornatylǵannan keıin aýlalarda qańǵybas janýarlar azaıyp, qoqys jáshikteriniń aınalasy áldeqaıda tazaryp qaldy», - deıdi Áýezov aýdany ákimdiginiń abattandyrý basqarmasynyń basshysy Aıdyn Tursynov.
