Bastama «Áıelderden áıelderge» atty áleýmettik joba aıasynda iske aspaq
Almatyda múmkindigi shekteýli bala tárbıelep otyrǵan analar óz kásibin ashýǵa múmkindik aldy, dep habarlaıdy Almaty-akshamy.kz Almaty.tv-ge silteme jasap.
Bastama «Áıelderden áıelderge» atty áleýmettik joba aıasynda qolǵa alyndy. Endi 22 kóp balaly ana túrli mentorlar men koýchtardyń kómegimen jeke kásibin ashyp, turaqty jumysqa ornalasa alady. Joba olardyń ómirin túbegeıli ózgertýdi kózdeıdi. Bastamaǵa elimizdegi qoǵamdyq qorlardyń biri uıytqy bolǵan.
«Qazirgi kezde ıdeıa bar. Qazir endi sony júzege asyrý úshin koýchpen jospar quryp jatyrmyz. Jáne mentorymyz bar. 20 jyldaı eńbek ótili bar. Meniń oıymsha biz analarǵa ártúrli kómek kórsetete alamyz», – dedi kóp hbalaly ana Nazgúl Imadildaeva.
Almaty qalasynyń jumyspen qamtý jáne áleýmettik baǵdarlamalar basqarmasy, Úkimet te barynsha qoldaý jasaıtynyn aıtty. Alyp shaharda osy jyldan bastap aýtızmi bar balalarǵa Invataksı jobasy ashylyp, oǵan 10 kólik bólindi. Sondaı-aq múgedektikti erte kezeńde anyqtaý maqsatynda 300-ge jýyq medısına qyzmetker oqytyldy. Olar qaladaǵy emhanalar men perzenthanalarǵa jiberiledi.
«Kásipti ashý boıynsha jobalar týraly qysqasha málimet aıtaıyn. Olarǵa basqarma tarapynan 400 MRP granttar beriledi. Ol jańa start-ap bıznes ashýǵa jaqsy múmkindik bolmaq. Áleýmettik osal toptarǵa beriledi. Ótinish Dostyq, 85 mekenjaıyndaǵy jumyspen qamtý ortalyǵynada qabyldanady», – dedi Jumyspen qamtý jáne áleýmettik baǵdarlamalar basqarmasy basshysynyń orynbasary Qalıbek Aqylbekov.