Ol kıno men teatrdaǵy qyzmetinen bólek, dýbláj salasynda da óshpes iz qaldyrdy
"Qazaq óneriniń tarıhynda aty «Atash aǵa» dep jattalǵan belgili akter Atageldi Ysmaılov turǵan úıge búgin memorıaldy taqta ornatyldy", - deıdi kózkórgender.
«Ol kisi óte sabyrly. Eshqashan daýys kótergenin estimeppin. 10 jyldaı birge istedik, bir sahnada áriptes boldyq. Sonda bir, bir nársege qatty renjip, ashýlanyp, daýys kótergenin estigen emespin. Qaı ýaqytta da osy sabyrly minezinen tanbaǵan», – dedi akter, QR Eńbek sińirgen qaıratkeri Baqytjan Álpeıisov.
«Adamdyǵymen asqaq bolǵan ustaz mamandyqta da tym bıik edi», - deıdi Ysmaılovtyń shákirtteri. Júktelgen rólge muqıat kirisip, ár sózine mán beretin ártistiń oıyny qazaq teatr óneriniń jarqyn úlgisindeı jarqyrap tur. Al onyń dýblájdaǵy saýaty óz aldyna ózgeshe tarıh.
«Ol kisi ózi úıretýden de jalyqpaıtyn. Bylaı jetektep, sahnanyń syrtyna alyp shyǵyp, «Balam, sen mynany bylaı iste» dep úıretetin. Sol kisilerdiń tárbıesin kórip óstik. Qazir ózimiz de sol kisilerdiń jasyna keldik. Ol kisini eshqashan umytpaımyz, esimizde saqtaımyz», – dedi akter, QR Eńbek sińirgen qaıratkeri Qadyrǵazy Qýandyqov.