Kúdiktini Áýezov aýdanynyń polısıa qyzmetkerleri anyqtady.
Almatyda qymbat mopedterdi urlaýmen aınalysqan sheteldik azamat ustaldy, dep habarlaıdy Almaty-akshamy.kz
Polisia.kz-tiń aqparatyna saı, 24 jastaǵy jigittiń bótenniń múlkin urlaýdyń kem degende tórt deregine qatysy bar.
«Qylmystyq is materıaldaryna sáıkes, Ózbekstan azamaty – 1999 jyly týǵan N.esimdi azamat Aqsaı-1 yqshamaýdanyndaǵy úıdiń aýlasynan Býmer mopedin urlap ketken. Jábirlenýshi materıaldyq shyǵyndy 520 myń teńgege baǵalady. Kúdikti ustaldy. Onyń osyǵan uqsas taǵy úsh qylmys jasaǵany anyqtaldy. Qylmystyq is QR QK-niń 188-baby 3-bóligimen tirkelip, tergelýde. Sotqa deıingi tergeý jalǵasyp jatyr» – dedi Áýezov aýdandyq polısıa basqarmasynyń bastyǵy Ulan Ábilqaıyr.
QR QPK-niń 201-babyna sáıkes, ózge aqparattar tergeý múddesine oraı jarıalaýǵa jatpaıdy.