Almaly aýdany Muqanov kóshesinde bolǵan moped urlyǵyna qatysty 1993 jyly týǵan R.esimdi azamat kúdikke ilindi.
Onyń áreketi beınebaqylaý kameralaryna túsip qalǵan, dep habarlaıdy Almaty-akshamy.kz Polisia.kz-ke silteme jasap.
«Jedel-izdestirý sharalary barysynda kúdikti ustaldy. Ol qylmysty jasaǵanyn moıyndady. Atalǵan derek boıynsha QR QK-niń 188-babyna sáıkes qylmystyq is tergelip jatyr. Qaskóı mopedti alý úshin ony ózinikindeı etip kórsetip, ótip bara jatqan adamnan kómek suraǵan. Ustalǵannyń moınynda budan da kóp urlyq bolýy múmkin deýge negiz bar. Onyń jeke basy basqa da yqtımal qylmystarǵa qatysy bar-joǵyna tekserilýde», – dedi Almaly aýdandyq polısıa basqarmasynyń bastyǵy Oljas Sháripov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.