Jyl basynan beri Almatyda moped júrgizýshileri 10 myń retten asa jol júrý erejesin buzǵan.
Tek mopedterdiń qatysýymen 250 apat tirkelip, 10 adam qaza tapty. Mundaı statısıkany Almaty qalasynyń ákimshilik polısıasy taratty, dep habarlaıdy Almaty-akshamy.kz.
Jol-kólik oqıǵalaryna jyldamdyqty saqtamaý, qarsy jolaqqa shyǵý jáne kólik aǵynymen júrý erejelerin buzý sebep bolyp otyr. Jaǵdaıdyń qanshalyqty aýyr ekenin myna kadrlardan anyq baıqaýǵa bolady. Qaladaǵy aıypturaqta jol erejesin buzyp, qolǵa túsken motosıklder men mopedter úshin bólek aımaq bólingen. Munda qazir 628 shaǵyn qozǵalys kóligi qańtarylyp tur. Bul jerge kún saıyn 15-20 moped ákelinedi. Olardyń kópshiligi jol apatynan jaramsyz bolyp qalǵan. Sonymen qatar moped pen motosıkl ıeleri túngi ýaqytta qala turǵyndarynyń tynyshtyǵyn buzatyny jasyryn emes.
- Motosıklder men mopedterdiń ıeleri kóliktiń daýsyn qatty shyǵarý úshin, ártúrli áreket jasaıdy. Bul azamattardyń tynyshtyǵyna keri áser etedi, ásirese túngi ýaqytta ruqsat etilmegen jarystar uıymdastyrady. Sondaı-aq manevr jasaý jáne jyldamdyqty shekteý erejelerin buzyp, qala boıynsha toptyq qozǵalystar jasaıdy. Turǵyndar buǵan da shaǵymdanyp otyr, deıdi Almaty PD Ákimshilik polısıa basqarmasynyń basshysy Asqat Qulbaev.