Metronyń «Saryarqa» jáne «Baýyrjan Momyshuly» beketteri iske qosyldy.
Beketterdi iske qosýdyń saltanatty rásiminde qala ákimi Erbolat Dosaev metropolıten qurylysshylary men qyzmetkerlerine eren eńbekteri men qalanyń qoǵamdyq kóligin damytýǵa qosqan úlesteri úshin alǵys aıtty, dep habarlaıdy Almaty-akshamy.kz
«Barshańyzdy osy merekemen quttyqtaımyn! Bul - bizdiń megapolıs úshin kópten kútken qýanyshty oqıǵa. Sizder jergilikti jerdiń kúrdeli taý-geologıalyq jáne seısmıkalyq jaǵdaılaryn eskere otyryp, óte kúrdeli ári kólemdi jumysty atqaryp shyqtyńyzdar. Sizderdiń eńbekterińiz ben joǵary kásibılikterińizdiń arqasynda Almatyda taǵy jańa eki metro stansıasy paıda boldy.
Men buny bizdiń qalamyz ben turǵyndarymyz úshin óte mańyzdy oqıǵa dep sanaımyn. Másele 50 myńnan 85 myńǵa deıin ulǵaıatyn jolaýshylar leginde ǵana emes, qalanyń áldeqaıda jaıly bolatyndyǵynda, bárimizdi alańdatyp otyrǵan trafıktiń durys sheshim tabatyndyǵynda.
Qalada metro jelisin keńeıtý boıynsha aýqymdy jumystar jalǵasady. 2025 jyly «Qalqaman» stansıasynyń qurylysyn aıaqtaý josparlanýda, metro jelisin damytý batys baǵytta «Barlyq» bazaryna deıin ulǵaıady. Bul atalǵan aýdandardyń turǵyndary úshin yńǵaıly jolaýshylar tasymalyn uıymdastyrýǵa múmkindik beredi.
Ótken jyly Almaty metropolıteni óziniń alǵashqy úlken jáne mańyzdy mereıtoıyn – on jyldyǵyn atap ótti. Osy ýaqyt ishinde bilikti eńbek ujymy qurylyp, jas mamandar oqytylyp, daıyndaldy. Eki stansıanyń iske qosylýymen qosymsha 200 jumys orny quryldy. Almaty metropolıteni bizdiń qalamyzdyń mańyzdy jáne ajyramas bóligine, yńǵaıly jáne jaıly qoǵamdyq kólik túrine aınaldy.
Búgingideı erekshe kúni jeke ózimniń jáne qalamyzdyń turǵyndary atynan Sizderge megapolıstiń jolaýshylar kóligin damytýǵa qosqan úlesterińiz úshin alǵys bildiremin jáne jumysta tabys, zor densaýlyq ári birlik pen bereke tileımin!» - dedi qala ákimi.
Eske sala keteıik, buǵan deıin qala ákimi Erbolat Dosaev «Saryarqa» jáne «Baýyrjan Momyshuly» stansıalarynyń iske qosylýy osy jyldyń mamyr aıynda oryndalatynyn habarlaǵan bolatyn. Osylaısha, stansıalar ýaqytyly qosyldy.
Qazaqtyń batyr ulynyń esimin ıelengen jańa metro stansıasynyń ashylý saltanatynda Baýyrjan Momyshulynyń kelini Zeınep Ahmetova sóz sóıledi.
«Atam marqum bir kezde "Men o dúnıelik bolsam da, bul dúnıede ótsem de, tirilerdiń arasynda júremin" deıtin. Sol kezde ol sóz birtúrli bolyp estilgen. Qazir qarap tursańyzdar, áýlıeniń sózi sıaqty. Endi qarańyzdar, búgin qansha adamdardyń kóńilinde, til ushynda atanyń aty aıtylyp jatyr. Atamyz ómirden ketkenine 40 jyl boldy, biraq áli kúnge deıin halyq áli ardaqtap, qurmettep, aspandatyp, kóshelerdiń atyn, mektepterdiń atyn berip jatyr. Búgingi shara da - atamyz áli tirilerdiń arasynda júrgeniniń bir belgisi. Men bir nársege tańǵalyp turmyn. Almatyda metro ashylǵaly beri bir de bir ret qadam baspaǵan ekenmin. Atamnyń atyna bergende ǵana keldim», - dedi Zeınep Ahmetova.
PASPORT
«Sary-Arqa» metro stansıasy
|
Ornalasýy |
-
|
Almaty qalasy, Áýezov aýdany, Abaı dańǵyly, Altynsarın dańǵylynyń batysy |
|
Bas merdiger |
- |
«Almatymetroqurylys» AQ
|
|
Qyzmetkerler sany |
- |
250 adam |
|
Tehnıkalyq sıpattamalary |
- |
Tereń tóseý stansıasy, pılon túri. 1 vestıbúlden, 2 kirý tobynan turady (2 Lıft, 8 eskalator) |
|
Úı-jaılardyń aýdany |
- |
9 726 sh. m. |
|
- №1, №2 kireberister |
- |
1 923 sh. m. |
|
- foıe |
- |
2 078 sh. m. |
|
- platforma |
- |
5 723 sh. m. |
|
Negizgi qyzmet túri |
- |
Jolaýshylar tasymaly |
|
Boljamdy jolaýshylar aǵyny |
- |
Táýligine 86 myń adam |
PASPORT
«Baýyrjan Momyshuly» metro stansıasy
|
Ornalasýy |
-
|
Almaty qalasy, Áýezov aýdany, Abaı dańǵyly men B. Momyshuly kóshesiniń qıylysynda |
|
Bas merdiger |
- |
«Almatymetroqurylys» AQ |
|
Qyzmetkerler sany |
- |
250 adam (merdiger jáne qosalqy merdigerler) |
|
Tehnıkalyq sıpattamalary |
- |
Shaǵyn qurylys stansıasy, kolonna túri. 2 vestıbúlden, 6 kirý tobynan turady (6 lıft, 15 eskalator) |
|
Úı-jaılardyń aýdany |
- |
5 420 sh. m. |
|
- №1-№4 kireberister |
- |
3570 sh. m. |
|
- vestıbúl 1 |
- |
1676 sh. m. |
|
- vestıbúl 2 |
- |
4742 sh. m. |
|
- platforma |
- |
4315 sh. m. |
|
- STP |
- |
1117 sh. m. |
|
Negizgi qyzmet túri |
- |
Jolaýshylar tasymaly |
|
Boljamdy jolaýshylar aǵyny |
- |
Táýligine 86 myń adam |