Almatyda «Mereıli otbasy» ulttyq baıqaýynyń jeńimpazdaryn anyqtaý jónindegi komısıa otyrysy ótti.
2025 jylǵy 1 shildede otbasy ınstıtýtynyń rólin arttyrý, adamgershilik qundylyqtardy nasıhattaý jáne otbasy men nekeniń jaǵymdy beınesin qalyptastyrý maqsatynda ótip jatqan «Mereıli otbasy» ulttyq konkýrsynyń qorytyndy kezeńi ótti.
Konkýrstyń basty maqsattary: otbasy ınstıtýtyn, adamgershilikti, rýhanıatty nyǵaıtý, jaýapty erli-zaıyptylyqtyń mańyzdylyǵyn moıyndaý; balalardy tárbıeleýde ata-analardyń jaýapkershiligin arttyrý; otbasylyq qundylyqtardy, kámeletke tolǵan balalardyń eńbekke jaramsyz jáne qart ata-analarǵa qamqorlyǵyn kórsetý jáne keńinen nasıhattaý; qazaqstandyq otbasynyń oń ımıjin nasıhattaý.
Komısıalar úzdik otbasylardy aıqyndaý týraly sheshim qabyldaý kezinde mynadaı ólshemsharttardy basshylyqqa alady:
1) otbasy músheleri jetistikteriniń sany men mańyzy (otbasy tarıhy vızıt kartochkasy - tanystyrý rásimi);
2) otbasylyq dástúrler jáne jádigerler;
3) otbasynyń rýhanı-adamgershilik kundylyqtary;
4) balalarynyń jáne nemereleriniń jetistikteri (bar bolsa);
5) ata-analarynyń úlgi tutarlyq jetistikteri;
6) otbasy quramy (otbasy músheleriniń sany – bir aýmaqta birge turyp jatqan birneshe urpaqtyń ókilderi);
7) otbasynyń daryndary;
8) otbasynyń turmys salty (salamatty ómir salty, bos ýaqyty);
9) qoǵamdyq-paıdaly qyzmetke (volonterlikke, qaıyrymdylyqqa, mesenattyqqa) qatysýy;
10) jetim balalarǵa qamqorshylyq, tálimgerlik.
17. Komısıanyń árbir múshesi otbasylardy baldyq júıe boıynsha baǵalaıdy (1-den 10-ǵa deıin).
15 mamyr – 15 maýsym aralyǵynda ulttyq konkýrsqa ótinim qabyldaý kezeńi ótti. 1 aı kóleminde Almaty qalasy boıynsha 250 otbasydan ótinimder qabyldandy.
Komısıa quramyna Almaty qalasynyń Qoǵamdyq damý, mádenıet, jastar saıasaty, jumyspen qamtý jáne áleýmettik baǵdarlamalar basqarmalarynyń basshylary, Almaty qalasy Qoǵamdyq keńestiń múshesi, Almaty qalasynyń Qurmetti azamaty jáne baıqaýdyń burynǵy jeńimpazy kirdi.
Qalanyń ár aýdanynan usynylǵan 16 otbasynyń qujattary komısıa nazaryna usynyldy. Úmitkerlerdiń arasynda shyǵarmashylyqpen aınalysatyndar, kásipkerler, ustazdar, dárigerler jáne túrli jumysshy mamandyq ıeleri boldy. Aýdandyq jáne qalalyq kezeńderdiń jeńimpazdary tańdalǵanymen, olardyń esimderi áli jarıalanǵan joq. Olar marapattaý rásiminde belgili bolady. Jeńimpaz otbasy respýblıkalyq kezeńge ótip Almaty qalasynyń namysyn qorǵaıtyn bolady.